ഗോൺ വിത്ത് ദ വിൻഡ്
From Wikipedia, the free encyclopedia
മാർഗരറ്റ് മിച്ചലിന്റെ 1936-ലെ നോവലിൽ നിന്ന് രൂപപ്പെടുത്തിയ 1939-ലെ അമേരിക്കൻ ഇതിഹാസ ചരിത്ര പ്രണയ ചിത്രമാണ് ഗോൺ വിത്ത് ദ വിൻഡ്. ഒരു സ്ത്രീയുടെ ജീവിതത്തെ സ്വാധീനിച്ച നാലു പുരുഷൻമാരുടെ കഥ പറഞ്ഞ ഗോൺ വിത് ദ വിൻഡ് പ്രണയവും പ്രതികാരവും ദുഃഖവും സന്തോഷവും യുദ്ധവും സമാധാനവുമെല്ലാം ഇഴചേരുന്ന ഒരു ചിത്രമാണ്. ഇതിൻ പ്രമേയമായത് 1936-ൽ പുലിറ്റ്സർ സമ്മാനം നേടിയ മാർഗരറ്റ് മിച്ചലിന്റെ ഇതേ പേരിലുള്ള നോവലായിരുന്നു. ഒരു യുവതി, അവളെ സ്നേഹിക്കുന്ന രണ്ടു പുരുഷൻമാർ, അവൾ ഇഷ്ടപ്പെടുന്ന മൂന്നാമതൊരു പുരുഷൻ. അവളുടെ സാമ്പത്തിക നേട്ടത്തിന് ഇരയാകേണ്ടി വന്ന മറ്റൊരു പുരുഷൻ. ഈ കഥാതന്തുവിനെ അമേരിക്കൻ ആഭ്യന്തരയുദ്ധത്തിന്റെ പശ്ചാത്തലത്തിലാക്കിയാണ് മിച്ചൽ നോവൽ അവതരിപ്പിച്ചത്. നല്ല ഒരു കുടുംബചിത്രമായ ഗോൺ വിത് ദ വിൻഡ് സംവിധാനം ചെയ്തത് പലരാണ്. എങ്കിലും വിക്ടർ ഫ്ളെമിംഗിന്റെ പേരാണ് സംവിധായകന്റെ സ്ഥാനത്തുള്ളത്. സിഡ്നി ഹോവാർഡ് തിരക്കഥ രചിച്ച ചിത്രം ഡേവിഡ് ഒ സെൽസ്നിക് ആണ് നിർമിച്ചത്. 1939 ഡിസംബർ 15 ന് റിലീസ് ചെയ്ത ഈ ചിത്രം 3.85 ദശലക്ഷം ഡോളർ ചിലവിട്ടാണ് നിർമിച്ചത്. ബോക്സ് ഓഫീസിൽ നിന്ന് തൂത്തുവാരിയത് 390 ദശലക്ഷം ഡോളറായിരുന്നു.
ഗോൺ വിത്ത് ദ വിൻഡ് | |
---|---|
സംവിധാനം | വിക്ടർ ഫ്ലെമിംഗ് |
നിർമ്മാണം | ഡേവിഡ് ഒ. സെൽസ്നിക്ക് |
തിരക്കഥ | സിഡ്നി ഹോവാർഡ് |
ആസ്പദമാക്കിയത് | Gone with the Wind by Margaret Mitchell |
അഭിനേതാക്കൾ |
|
സംഗീതം | മാക്സ് സ്റ്റെയ്നർ |
ഛായാഗ്രഹണം | ഏണസ്റ്റ് ഹാളർ |
ചിത്രസംയോജനം |
|
വിതരണം | Loew's Inc.[1][nb 1] |
റിലീസിങ് തീയതി |
|
രാജ്യം | അമേരിക്കൻ ഐക്യനാടുകൾ |
ഭാഷ | ഇംഗ്ലീഷ് |
ബജറ്റ് | $3.85 ദശലക്ഷം |
സമയദൈർഘ്യം |
|
ആകെ | >$390 million |