ഹിന്ദുമതവിശ്വാസം രാജ്യം തിരിച്ച്
From Wikipedia, the free encyclopedia
ലോകമെമ്പാടും ആയി ഏകദേശം 1.35 ബില്യൺ (ലോക ജനസംഖ്യയുടെ 15-16%) ഹിന്ദുമത വിശ്വാസികളുണ്ട്.[1] നേപ്പാളും (81.3%) [2][3] ഇന്ത്യയും (79.8%)[4] ജനസംഖ്യയിൽ ഹിന്ദുക്കൾ ഭൂരിപക്ഷമുള്ള രാജ്യങ്ങളാണ്. അതേപോലെ മൗറീഷ്യസിൽ (ആഫ്രിക്കൻ ഭൂഖണ്ഡത്തിൽ ഉൾപ്പെടുന്ന ഒരു ദ്വീപ് രാഷ്ട്രം) ജനസംഖ്യയുടെ 48.14% ഹിന്ദുക്കൾ ആണ്, ക്രിസ്തുമതം (31.5%), ഇസ്ലാം (23.3%) എന്നിവയാണ് അവിടുത്തെ മറ്റ് മതങ്ങൾ.[5][6] ജനസംഖ്യയുടെ ശതമാനം അനുസരിച്ച് ലോകത്തിലെ അഞ്ച് പ്രധാന മതങ്ങളിൽ ഒന്നാണ് ഹിന്ദുമതം. ക്രിസ്തുമതത്തിനും ഇസ്ലാമിനും പിന്നിൽ ലോകത്തിലെ മൂന്നാമത്തെ വലിയ മതമാണ് ഹിന്ദുമതം. [7]
നിലവിൽ, ഇന്ത്യയും നേപ്പാളും ഹിന്ദു ഭൂരിപക്ഷ രാജ്യങ്ങളാണ്. ഏഷ്യൻ രാജ്യങ്ങളിലാണ് ഏറ്റവും കൂടുതൽ ഹിന്ദുക്കൾ കാണപ്പെടുന്നത്. ഹിന്ദുമത വിശ്വാസികളും കൂടുതലുള്ള രാജ്യങ്ങളിൽ പ്രധാനപ്പെട്ടവ (കുറയുന്ന ക്രമത്തിൽ) ഇന്ത്യ, നേപ്പാൾ, ബംഗ്ലാദേശ്, ഇന്തോനേഷ്യ (പ്രത്യേകിച്ച് 84% ഹിന്ദുക്കൾ ഉള്ള ബാലി), പാകിസ്ഥാൻ, ശ്രീലങ്ക, മലേഷ്യ, സിംഗപ്പൂർ, യുണൈറ്റഡ് സ്റ്റേറ്റ്സ്, മ്യാൻമർ, തായ്ലൻഡ്, യുണൈറ്റഡ് കിംഗ്ഡം, കാനഡ, ദക്ഷിണാഫ്രിക്ക, മൗറീഷ്യസ്, സുരിനാം ആൻഡ് കരീബിയൻ ( വെസ്റ്റ് ഇൻഡീസ്) എന്നിവയാണ്.
കാനഡ, ഓസ്ട്രേലിയ, ന്യൂസിലൻഡ് എന്നിവിടങ്ങളിൽ ഉൾപ്പടെ ലോകമെമ്പാടും ധാരാളം ഹിന്ദു എൻക്ലേവുകൾ ഉണ്ട്. ബാലി ദ്വീപിലെ ബാലിനീസ് (ഇന്തോനേഷ്യ), ജാവയിലെ ടെംഗർ, ഓസിംഗ് (ഇന്തോനേഷ്യ), വിയറ്റ്നാമിലെ ബാലമോൺ ചാംസ്, ഘാനയിലെ ഘാന ഹിന്ദുക്കൾ എന്നിവരും ഹിന്ദുമതം ആചരിക്കുന്നു..