മാൻഡ്രിൽ
From Wikipedia, the free encyclopedia
ഓൾഡ് വേൾഡ് മങ്കി കുടുംബത്തിലെ (Cercopithecidae) ഒരു അംഗമാണ് മാൻഡ്രിൽ (മാൻഡ്രില്ലസ് സ്ഫിങ്ക്സ്). ഡ്രിൽ എന്ന ഇനത്തോടൊപ്പം, മാൻഡ്രില്ലസ് എന്ന ജനുസ്സിൽ പെട്ട രണ്ടു ഇനങ്ങളിൽ ഒന്നാണ് ഇത്. മാൻഡ്രില്ലും ഡ്രില്ലും ഒരിക്കൽ ബബൂണുകൾക്കൊപ്പം പാപ്പിയോ ജനുസ്സിലാണ് ഉൾപ്പെടുത്തിയിരുന്നതെങ്കിലും ഇപ്പോൾ മാൻഡ്രില്ലസ് എന്ന സ്വന്തം ജനുസ്സ് രൂപീകരിച്ചു. കാഴ്ച്ചയിൽ ബബൂണുകളെപ്പോലെ തോന്നിക്കുമെങ്കിലും ഇവർക്ക് സെർക്കോസീബസ് മാംഗാബേയുമായാണ് അടുത്ത ബന്ധം. തെക്കൻ കാമറൂൺ, ഗാബോൺ, ഇക്വറ്റോറിയൽ ഗിനിയ, കോംഗോ എന്നിവിടങ്ങളിൽ മാൻഡ്രേലുകൾ കാണപ്പെടുന്നു. ഉഷ്ണമേഖലാ മഴക്കാടുകളിലാണ് ഇവ കാണപ്പെടുന്നത്. മാൻഡ്രില്ലുകൾ വളരെ വലിയ കൂട്ടങ്ങളായി ജീവിക്കുന്നു. പഴങ്ങളും ഷഡ്പദങ്ങളുമൊക്കെ ഭക്ഷിക്കുന്ന മിശ്രഭുക്കാണ് മാൻഡ്രലുകൾ. ജൂലൈ മുതൽ സെപ്റ്റംബർ വരെയാണ് ഇണചേരൽ കാലം.
Mandrill[1] | |
---|---|
Male | |
Female | |
ശാസ്ത്രീയ വർഗ്ഗീകരണം | |
കിങ്ഡം: | Animalia |
Phylum: | Chordata |
Subphylum: | |
Class: | Mammalia |
Order: | Primates |
Family: | Cercopithecidae |
Genus: | Mandrillus |
Species: | sphinx |
Mandrill range |
ലോകത്തിലെ ഏറ്റവും വലിയ കുരങ്ങുകളാണ് മാൻഡ്രില്ലുകൾ. " മുതിർന്ന ആൺ മാൻഡ്രില്ലിനെപ്പോലെ ഇത്രയും അസാധാരണമായ രീതിയിൽ നിറമുള്ള ഒരു സസ്തനിയും ഇല്ല”എന്ന് തന്റെ ഡിസന്റ് ഓഫ് മാൻ എന്ന പുസ്തകത്തിൽ ചാൾസ് ഡാർവിൻ എഴുതി. വംശനാശ ഭീഷണി നേരിടുന്ന ഒരിനമായാണ് ഐ.യു.സി.എൻ ഇവയെ കണക്കാക്കുന്നത്.