ഭൂട്ടാൻ യുദ്ധം
From Wikipedia, the free encyclopedia
ബ്രിട്ടീഷ് ഇന്ത്യയും ഭൂട്ടാനും തമ്മിൽ 1864–1865 കാലത്ത് നടന്ന ഒരു യുദ്ധമാണ് ഭൂട്ടാൻ യുദ്ധം (ഡ്യൂവാർ യുദ്ധം) എന്ന പേരിൽ അറിയപ്പെടുന്നത്
ഭൂട്ടാൻ യുദ്ധം | |||||||||
---|---|---|---|---|---|---|---|---|---|
| |||||||||
യുദ്ധത്തിൽ ഏർപ്പെട്ടിരിക്കുന്നവർ | |||||||||
യുനൈറ്റഡ് കിംഗ്ഡം | ഭൂട്ടാൻ | ||||||||
പടനായകരും മറ്റു നേതാക്കളും | |||||||||
സർ ജോൺ ലോറൻസ് | കാഗ്യുഡ് വാങ്ചുക് (1864) ഷെവാങ് സിതുബ് (1865) |
ഭൂട്ടാനിലെ ആഭ്യന്തരയുദ്ധം അവസാനിച്ചതിനെത്തുടർന്ന് ബ്രിട്ടൻ 1864-ൽ അവിടേയ്ക്ക് ആഷ്ലി ഏഡന്റെ നേതൃത്ത്വത്തിൽ ഒരു നയതന്ത്രസംഘത്തെ അയയ്ക്കുകയുണ്ടായി.[1] പുനഖയിലെ സോങ്പോൺ യുദ്ധം ജയിച്ചതിനെത്തുടർന്ന് കേന്ദ്രത്തിലെ ഭരണസംവിധാനത്തിൽ നിന്ന് വിട്ട് ഒരു ഭരണം സ്ഥാപിച്ചിരുന്നു. ഭരണത്തിൽ അവകാശമുണ്ടായിരുന്നയാൾ പാറോയിലെ ഗവർണറുടെ സംരക്ഷണം ആവശ്യപ്പെട്ടിരുന്നു. ഇയാൾ പിന്നീട് സ്ഥാനഭൃഷ്ടനാക്കപ്പെട്ടു. പാറൊയിലെ ഭരണകർത്താവിനോടും പുനഖയിലെ ഭരണകർത്താവിനോടും ബ്രിട്ടൻ പ്രത്യേകമായി ചർച്ചനടത്തി. ഭൂട്ടാൻ സമാധാനത്തിന്റെയും സൗഹൃദത്തിന്റെയും ഉടമ്പടി നിരാകരിച്ചു. ബ്രിട്ടൻ 1864 നവംബറിൽ യുദ്ധം പ്രഖ്യാപിച്ചു. ഭൂട്ടാനിൽ ഒരു സ്ഥിരം സൈന്യം നിലവിലുണ്ടായിരുന്നില്ല. സോങ് കാവൽക്കാരായിരുന്നു സൈനികർ. മാച്ച്ലോക്ക് തോക്കുകളും അമ്പും വില്ലും വാളും കത്തിയും കവിണയുമായിരുന്നു ഇവരുടെ ആയുധം.
ഡിയോത്താങ്ങിലെ ദേവനഗിരി എന്ന കോട്ട ബ്രിട്ടീഷുകാർ 1865-ൽ നശിപ്പിച്ചു. ആദ്യത്തെ പരാജയത്തിന് മറുപടിയെന്നോണം ബ്രിട്ടീഷുകാർ ഇവിടെ ധാരാളം നാശനഷ്ടങ്ങളുണ്ടാക്കി
ഭൂട്ടാൻ യുദ്ധം (1864–1865) അഞ്ച് മാസം മാത്രമേ നീണ്ടുനിന്നുള്ളൂ. ചില ഏറ്റുമുട്ടലുകളിൽ ഭൂട്ടാന് വിജയമുണ്ടായെങ്കിലും യുദ്ധത്തിൽ തോൽവിയാണുണ്ടായത്. ചില പ്രദേശങ്ങൾ അവർക്ക് ബ്രിട്ടന്റെ നിയന്ത്രണത്തിലേയ്ക്ക് വിട്ടുകൊടുക്കേണ്ടിവന്നു. 1865 നവംബർ 11-ന് ഒപ്പിട്ട സിൻചുല ഉടമ്പടി അനുസരിച്ച് അസം ഡ്യൂവാറുകളിലെയും ബംഗാൾ ഡ്യൂവാറുകളിലെയും ഭൂമിയും ദേവനഗിരിയിലെ 83 ചതുരശ്രകിലോമീറ്റർ ഭൂമിയും വർഷം 50,000 രൂപ സബ്സിഡിയ്ക്ക് പകരമായി ഭൂട്ടാൻ ബ്രിട്ടന് വിട്ടുകൊടുത്തു. 1910 വരെ ഈ ഉടമ്പടി നിലവിലുണ്ടായിരുന്നു. 1910-ൽ ഭൂട്ടാനും ബ്രിട്ടനും പുനഖ ഉടമ്പടിയിൽ ഒപ്പുവച്ചു. ഇത് 1947 വരെ നിലവിലുണ്ടായിരുന്നു.