ഗാങ്ഖാർ പൂയെൻസം
From Wikipedia, the free encyclopedia
ഗാങ്ഖാർ പൂയെൻസം (གངས་དཀར་སྤུན་གསུམ་ കാങ്കാർ പൻസം, പകരമായി, ഗാങ്ഖാർ പൻസം അല്ലെങ്കിൽ Gankar Punzum) ഭൂട്ടാനിലെ ഏറ്റവും ഉയരം കൂടിയ പർവതമാണ്. 7,570 മീറ്റർ (24,836 അടി)[1] ഉയരവും എഴുന്നു നിൽക്കുന്ന 2,995 മീറ്റർ (9,826 അടി). ഉയരമുള്ള ഒരു ഭാഗവുമായി ലോകത്തിലെ ഏറ്റവും ഉയരം കൂടിയ പർവതങ്ങളിലൊന്ന് എന്ന് അവകാശവാദമുന്നയിക്കാവുന്ന ഒരു പർവ്വതമാണ് ഗാങ്ഖാർ പൂയെൻസം. പ്രത്യേകിച്ച്, ഹിമാലയത്തിലെ മിക്ക കൊടുമുടികളും ദശാബ്ദങ്ങൾക്കു മുൻപുതന്നെ കീഴടക്കപ്പെട്ടു കഴിഞ്ഞുവെങ്കിലും ഗാങ്ഖാർ പൂയെൻസം ഇനിയും കീഴടക്കപ്പെടാതെ തുടരുന്നു. അതിൻറെ പേരിനർത്ഥം "മൂന്നു ആത്മീയ സഹോദരങ്ങളുടെ ധവള ശിഖരം" എന്നാണ്. ചൈനയുമായുള്ള അതിർത്തിയിലാണ് ഇതു നിലനിൽക്കുന്നത് എന്നിരുന്നാലും, അതിന്റെ കൃത്യമായ സ്ഥാനത്തെക്കുറിച്ചും അതിർത്തി രേഖയെക്കുറിച്ചും തർക്കങ്ങൾ നിലനിൽക്കുന്നു. ചൈനീസ് മാപ്പുകളിൽ ഇത് അതിർത്തിയിൽ പൂർണ്ണമായി ടിബറ്റിനുള്ളിലായും, മറ്റ് സ്രോതസ്സുകളിൽ പൂർണ്ണമായും ഭൂട്ടാനിലായും കാണിക്കുന്നു. ഭൂട്ടാൻ 1983 ൽ ഈ മേഖല മലകയറ്റത്തിനായി തുറന്നതിനു ശേഷം 1985 ലും 1986 ലും ഈ കൊടുമുടിയെ കേന്ദ്രീകരിച്ചു നടന്ന നാലു പര്യവേക്ഷണങ്ങളും പരാജയപ്പെടുകയായിരുന്നു. എന്നിരുന്നാലും, 1998 ൽ ടിബറ്റിൽ നിന്നുള്ള ഒരു സംഘം ഇവിടുത്തെ ഒരു ഉപ ശിഖരം വിജയകരമായി കീഴടക്കി.
ഗാങ്ഖാർ പൂയെൻസം | |
---|---|
ഉയരം കൂടിയ പർവതം | |
Elevation | 7,570 m (24,840 ft) [1] Ranked 40th |
Prominence | 2,995 m (9,826 ft) [1] Ranked 92nd |
Isolation | 228 km (142 mi) |
Listing | Country high point Ultra |
Coordinates | 28°02′54″N 90°27′15″E [1] |
മറ്റ് പേരുകൾ | |
Native name | |
ഭൂമിശാസ്ത്രപരമായ പ്രത്യേകതകൾ | |
സ്ഥാനം | Bhutan–China border |
Parent range | Himalaya |
Climbing | |
First ascent | Unclimbed |