Список на градови на Филипините
From Wikipedia, the free encyclopedia
Градот (lungsod или siyudad на филипински и тагалски) е едно од нивоата на управување на Филипините.
Секој град има барем по еден пратеник во Претставничкиот дом на Филипините ако неговото население надминува 250.000 жители. Градовите се овластени да располагаат и раководат со недвижен и движен имот за свои потреби, да вршат експропријација на имот за јавни цели, да стапуваат во договори, да одат на суд и сите други надлежности кои им ги дава Конгресот. Само Конгресот има право да создава градови или да ги менува нивните статути, и со тоа градовите добиваат овластувања кои не им следуваат на општините и другите населени места.
Градовите добиваат поголем дел од буџетот за локална самоуправа од општините и уживаат поголема автономија.