Nikola Tesla
From Wikipedia, the free encyclopedia
Nikola Tesla adolah saurang panamu, fisikawan, teknisi mekanika, jo teknisi listrik Serbia-Amerika.[3][4][5][6] Inyo tanamo dek karano kontribusinyo dalam mandesain sistem kalistrikan arus bolak-balik (AC).[7]
Nikola Tesla | |
---|---|
Tesla, lk. tahun 1896. | |
Lahia | 10 Juli 1856 |
Maningga | 7 Januari 1943 (umua 86) |
Panyobab maningga | Pembekuan pembuluh darah |
Kawarganagaraan | Austria (pada tahun 1891 menjadi warga negara Amerika Serikat)[1] Amerika Serikat (30 Juli 1891 – 7 Januari 1943) |
Pandidikan | Universitas Teknologi Graz (keluar) |
Karier teknik | |
Disiplin teknik | Teknik listrik, Teknik mesin |
Proyek penting | Arus bolak-balik, tegangan tinggi, eksperimen tenaga frekuensi tinggi |
Desain terkenal | Motor induksi Medan magnet berputar Gulungan Tesla Radio kendaraan pengendali jarak jauh (torpedo)[2] |
Signature | |
Lahia jo gadang di Kakaisaran Austria, Tesla manyalasaian pandidikannyo dalam bidang teknik jo fisika tahun 1870-an. Inyo sempat pulo bakarajo dalam bidang telefoni pado awa 1880-an sarato jo di Continental Edison dalam bidang industri tanago listrik. Inyo pindah ka Amerika Serikat tahun 1884 dan nantinyo inyo dinaturalisasi manjadi warga negara. Inyo sempat di Edison Machine Works di New York City sabalum mamutuihan kalua. Dengan bantuan partner untuak pambiayaan jo pamasaran ide-idenyo, Tesla mandirian laboratorium di New York untuak mangambangkan babagai paralatan kayu jo mekanik. Motor induksi arus bolak-balik buatannyo jo paten polifasa bolak-baliknyo dilisensi dek Westinghouse Electric pada tahun 1888. Tesla mancubo untuak mangambangkan panamuan nan dapek dipatenkan jo dipasarkan, Tesla malakukan babagai eksperimen jo osilator/generator mekanik, tabuang lucutan listrik, jo pencitraan X-ray.[6]
Pado tahun 1890-an, Tesla mancubo untuak mangambangkan panarangan nirkabel jo distribusi tanago listrik nirkabel dalam pacuboan tanago bafrekuensi tinggi di New York jo Colorado Springs. Pado tahun 1893, inyo mangatoan bahwasanyo ado kamungkinan dalam pambuatan komunikasi nirkabel dengan alat buatannyo. Tesla mancubo untuak mambueknyo manjadi nyato dalam proyek Wardenclyffe Tower, sabuah pamancar tanago jo komunikasi nirkabel antarbenua, namun kahabisan dana sabalum sempat manyalasaiannyo.[8]
Tesla maningga di New York City bulan Januari 1943.[9] Hasia karyanyo manjadi indak jaleh sasudah inyo maningga, namun pado tahun 1960 Konferensi Umum mengenai Berat jo Ukuran manamoi satuan SI dari densitas fluks magnetik jo tesla untuak manganang namonyo.[10] Namanya mulai bangkit kembali sejak tahun 1990-an.[11]