![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/08/01_Schwarzb%25C3%25A4r.jpg/640px-01_Schwarzb%25C3%25A4r.jpg&w=640&q=50)
Baruang itam amerika
From Wikipedia, the free encyclopedia
Baruang itam amerika adolah baruang nan iduik sarato dapek dijumpoi di bagian Amerika Utara. Beruang ko mamiliki bulu nan bawarna itam, coklat tuo, coklat mudo, atau barwarna abu-abu kacoklatan. Mamiliki kapalo nan gadang sarato jo talingo nan relatif ketek dibandiangan jo kapalo inyo, Mato nyo ketek, bawarna hitam atau coklat nan candaruang talatak di sisi kapalo nyo. Baruang mamiliki cakar nan malangkuang sarato tajam jo panjang 5 hinggo 15 sentimeter, biasonyo digunoakan untuak mancari makanan sarato mampatahankan diri, salain itu baruang ko mamiliki gigi graham jo tariang nan gadang sarato kuek. [2][3]
Baruang itam amerika | |
---|---|
![]() | |
Baruang itam amerika di salah satu Taman Nasional di Kanada | |
Klasifikasi ilmiah | |
Kingdom: | Animalia |
Phylum: | Chordata |
Class: | Mammalia |
Order: | Karnivora |
Family: | Ursidae |
Genus: | Ursus |
Species: | U.americanus |
![]() | |
Pasebaran baruang itam amerika di berbagai nagara. Kamungkinan baruang itam masih ado di nagara nan disangko alah punah.[1] |
Baruang ko mamiliki rato-rato barek badan bakisar antaro 90 hinggo 270 kg untuak batino jo 130 hinggo 360 kg untuak jantan. Salain itu, mamiliki panjang tangan jo kaki sacaro rato rato untuak baruang nan alah gadang adolah sapanjang 10 hinggo 15 sentimeter untuak tangan jo 15 hinggo 30 sentimeter untuak kaki. [2]