Vincentius Cable
From Wikipedia, the free encyclopedia
Vincentius Cable, praenominibus plenis John Vincent sed communiter Vince Cable (Eboraci natus die 9 Maii 1943), est eruditus oeconomiae orbis terrarum et politicus Britannicus factionis liberalis democraticae.
Alumnus est Collegii Fitzwilliam apud Cantabrigienses. A die 1 Maii 1997 legatus apud Parlamentum munere populi Twickenham functus est. Factionibus Conservativa et Liberali post Comitia anni 2010 ad gubernandum consociatis, Vincentius Cable a die 12 Maii 2010 usque ad 11 Maii 2015 fuit minister a negotio, primo ministro Davide Cameron.[1]
Comitiis nationalibus die 30 Martii 2015 ab electoribus circuli Twickenham eiectus est, victrice Tania Mathias, sed die 9 Iunii 2017 iterum electus est. Die 20 Iulii 2017 Vincentius Cable sine aemulo dux factionis liberalis democraticae factus est, eo officio a Timotheo Farron renuntiato.