Sanna Marin
From Wikipedia, the free encyclopedia
Sanna Mirella Marin (nata die 16 Novembris 1985) est politica Finnica et socia factionis socialis democraticae.
Helsingiae nata, Esboae et postea Tammerforsiae habitabat. Patre ebrioso mox a matre separato, ab hac novaque consorte feminina deinde educata est.[1] Alma mater eius est Universitas Tamperensis.
Consiliaria municipalis anno 2012 electa, ab anno insequenti usque in 2017 praeses consiliariorum urbis Tammerforsiae meruit. Ab anno 2017 legata est parlamento Finnico. Die 6 Iunii 2019 ministra a commeatu facta est, primo ministro Antti Rinne. Quo officium suum recusante, Sanna Marin, die 8 Decembris 2019 prima ministra creata, biduo post in hoc munus rite inducta est.
Die 12 Maii 2022 sententiam suam aperuit, ut Finnia Consociationi ex pacto Atlantico Septentrionali quam celerrime sese adiungeret.[2]