Pinguinus impennis
From Wikipedia, the free encyclopedia
Pinguinus impennis est species avium sine volatu familiae Alcidarum, quae exstincta est saeculo undevicensimo medio. Sola erat hodierna generis Pinguini species. Haud arte cognata est cum avibus in permultis multarum familiarum linguis hodiernis ex vocabulo pinguino appellatis,[5] quam nautae postea invenierunt et nominaverunt, quia Pinguino impenni similes corporeae eis videbantur.
Infraclassis : Neognathae
Ordo : Charadriiformes
Familia : Alcidae
Subfamilia : Alcinae
Genus : †Pinguinus
Bonnaterre, 1791
Species : †Pinguinus impennis
(Linnaeus, 1758)
Pariebat in remotis insulis saxosis prope oceanum largamque cibi copiam, quae res in natura est rara, ut pauci loci tales exsistunt. Cum non parerent, pabulabantur in aquis Atlantici Septentrionali, ad meridiem usque ad Hispaniam septentrionalem et litora Canadae, Groenlandiae, Islandiae, Faeroarum, Norvegiae, Hiberniae, Magnae Britanniae.
Pinguis impennis erat a 75 ad 85 centimetra altus, 5 chiliogrammata ponderis, maxima alcida quae ad tempora hodierna supervixit, et secunda a maxima omnis familiae specie (Miomancalla, species praehistorica, maior erat).[6]