Lycaenidae
taxon / From Wikipedia, the free encyclopedia
Lycaenidae sunt secunda a maxima familia papilionum, inter quam circa 6000 specierum omnem per orbem terrarum inventarum.[1] Eae sunt circa quattuor decimae notarum lepidopterorum specierum.[2]
Classis : Insecta
Ordo : Lepidoptera
Rhopalocera
Superfamilia : Papilionoidea
Familia : Lycaenidae
Leach, 1815
- Liphyrinae
- Lipteninae
- Lycaeninae
- Miletinae
- Polyommatinae
- Poritiinae
- Theclinae et vide commentarium et Indicem generum Lycaenidarum
Familia usitate dividitur in subfamilias Miletinas, Lycaeninas, Polyommatinas, Theclinas. Aliae sunt Curetinae, Liphyrinae, Lipteninae, Poritiinae. Aliqui auctores familiam Riodinidas intra Lycaenidas iam digerunt. Styginae, prior subfamilia monotypica, inter quam Styx infernalis et Andes Peruvianis, in subfamiliam Euselasiinas familiae Riodinidarum digesta est.[3][4]
Adulti plerumque sunt parvi, minus quam 5 cm, clare colorati, aliquando nitorem metallicum exhibentes. Anterioria maris crura magnitudine deminuuntur et unguibus carent.
Larvae saepe sunt aliquantulum planae (non cylindricales), cum glandulis quae secretiones formicas attrahentis domantisque generant. Cuticuli densari solent. Nonnullae larvae possunt motus sonosque profundos efficere qui per substrata in quibus eae habitant transmittuntur; his sonis ut cum formicis communicent utuntur.[5][6]
Singulis adultis saepe sunt caudae pilosae sicut antennae, in conspectu nigro alboque annulatae. Multis speciebus est macula ad fundamentum caudae sita, et nonnullae considentes se ad confundendos praedatores circumagunt, ut illi, veram capitis orientationem non agnoscentes, non a tergo sed ad caput verum appropinquent.[7]