Iainismus
Religio quae in Indian subcontinens orta est / From Wikipedia, the free encyclopedia
Iainismus[1] sive Gennismus[2] est antiqua religio Indica, quae viam praescribit non violentam erga omnes res quae vivunt. Sua philosophia et facinora vehementius dicunt postulationem ut homines animam ad sensum divinum et liberationem promovere conentur. Quaevis anima quae suos inimicos interiores vicit et statum entitatis supremae adsecuta est jina 'victor' appellatur, nam Iainismus est via ad hoc statum adsequendum.
Iainismus a scripturis antiquis Shraman Dharma 'dharma fidem sibi habens' vel religio Nirganthae (cui non sunt studia et odia) appellatur. Praeterea, Iainismus plerumque Jain Dharma (जैन धर्म) in lingua Sanscritica et Samanam in lingua Tamil appellatur.
Iainismus, quem adsectatores semper exsistisse credunt,[3][4][5] ab historicis inter saecula nonum et sextum a.C.n. ortum fuisse habetur.[6][7][8][9][10] Iainismus est ad vitam revocatus a stirpe viginti quattuor asceticorum (hominum doctorum qui cibo et aliis rebus quotidianis abstinuerunt) appellatorum tirthankararum (Buswell 2004:391), quorum praecipui nobis certi sciti fuerunt Parsva saeculo nono a.C.n. et Mahavira saeculo sexto a.C.n.: "Est argumentum mores Iainos fuisse iam veterrimos quam mores Buddhisticos, fortasse retro ad tempus civilizationis Vallis Indae, et Vardhamanam—non "conditorem" per se—fuisse potius tantum principalem morum magnopere vetustiorum vicarium."[11][12][13][14][15] Nonnulli quaesiverunt num religio prioribus temporibus orta sit, quae "spiritualitatem" vernacularem ante migrationem Indo-Aryanam in Indiam ostendit.[16][17][18]
Iainismus hodie est parva sed gravissima "minoritas" religiosa, quae ad 4 200 000 adsectatorum in India habet,[19] cum communitatibus advenarum in America Septentrionali, Europa Occidentali, Asia Orientali, Australia, et alibi.[20]