Gabriel Attal
politicus / From Wikipedia, the free encyclopedia
Gabriel Attal de Couriss (sed nomine nativo Gabriel Nissim Attal; Clemartii natus die 16 Martii 1989), politicus, a die 9 Ianuarii 2024 primus minister Franciae meret, omnium usque hodie iuvenissimus, solus qui se homosexualem esse nuntiaverit.
Patria: Francia
Familia
Filius est Ivonis Attal Iudaei, causidici productorisque cinematographici, et Mariae de Couriss, Christianae Odessanae e stirpe Graeca ortae. Lutetiae apud scholam Alsatianam educatus est, ubi contubernalem habuit Joyce Jonathan cantatricem. Alumnus est universitatis Panthei et Assacii et instituti scientiarum politicarum Parisiensis. Sodalis fuit ab anno 2006 factionis socialistae. Consiliarius operam dedit iuxta Marisol Touraine candidatam, deinde iuxta ministram a valetudine Roselyne Bachelot.
Ab anno fere 2017, socialistis relictis, ad factionem rei publicae progredientis (duce Emmanuele Macron) se iunxit: legatus est conventui nationali pro circulo nativo Altorum Sequanae et anno 2018 orator huius factionis factus est, sed a mense Octobri secretarius civicus iuxta ministrum eruditionis Ioannem Michaelem Blanquer meruit. Die 6 Iulii 2020 secretarius civicus iuxta primum ministrum et orator gubernii factus est. A 20 Maii 2022, prima ministra Elisabetha Borne, minister delegatus a rationibus publicis, sed a die 20 Iulii 2023 minister ab eruditione nationali meruit, antecessore Pap Ndiaye. Die 9 Ianuarii 2024 ipse primus minister factus est, Elisabethae Borne successor.