Cuculidae
From Wikipedia, the free encyclopedia
Cuculidae sunt familia avium, solum taxon ordinis Cuculiformium.[1][2][3] Familia insigniter comprehendit Cuculum canorum, Geococcyges, Eudynamyses, Phaenicophaeum, Couas, Centropodes, Crotophagas. Centropodes et Crotophagae aliquando in familias separatas digeruntur, Centropodidas et Crotophagidas proprie appellatas. Cuculiformes sunt unus ex tribus ordinibus qui una Otidimorphas constituunt, quorum alii sunt Musophagidae et Otididae (olim Otidae appellatae).
Infraclassis : Neognathae
Ordo : Cuculiformes
Wagler, 1830
Familia : Cuculidae
Leach, 1820
Cuculidae plerumque sunt aves magnitudine a parva ad mediam. Plurimae species in arboribus habitant. sed multae in solo degunt. Familiae est distributio cosmopolita, quamquam plurimae species in zona tropica habitant. Nonnullae species migratoriae sunt. Cuculidae insectis, larvis insectorum. variisque animalibus parvis vescuntur, cum fructibus. Nonnullae species sunt parasiti feturae, ova in nidis aliarum specierum parientes, sed maior pars suos iuvenes alunt.
Cuculidae partes in cultura hominum nonnulla millennia egerunt. In mythologia Graeca antiqua, Herae deae sacrae sunt. Latissime in Europa, cum vere consociantur, atque adeo cum dedecore sexuali, exempli gratia, in Love's Labour's Lost Gulielmi Shakesperii. In India, Kamadevae sacrae sunt, deo desiderii et appetitus. In Iaponia, amorem inultum repraesentant.