Ceratonia siliqua
From Wikipedia, the free encyclopedia
Ceratōnia siliqua est arbor semperviridis familiae Fabacearum, quae apud Graecos antiquos κερατωνία vel κερατία appellabatur. Arbores alterae flores mares, alterae femineos habent.
Ceratonia siliqua et eius partes
Ceratonia siliqua est planta lato tegmine, quae proceritatem 10 metrorum attingere potest. Est arbor longaeva, cuius auctus lentus.
Eius fructus[1] sunt siliquae robustae cineraceo-fusco cortice et plerumque inter 10 et 20 centimetra longae.
Nascitur autem libera in finibus mediterraneis, Portugalliae atque Maroci atlanticorum, in cuius regionis locis provenit siccis. In Italia in regionibus meridiei libera provenit.
Praecipue in septemtrionali Africa, Graecia, atque Cypro colitur et, minimum, in Hispania, meridiei Italia, atque Albania.