Caodaismus
From Wikipedia, the free encyclopedia
Caodaismus (Vietnamice Đạo Cao Đài, Chữ nôm 道高臺) est religio monotheistica publice Tây Ninh in urbe in Vietnamia meridiana anno 1926 constituta. Plenum religionis nomen proprium est Đại Đạo Tam Kỳ Phổ Độ ('Magna Fides Redemptionis Universalis Orbis Terrarum').[1] Nomen proprium Cao Đài (IPA |kāːw ɗâːj|), ad verbum 'Maximus Dominus' vel 'Maxima Potestas' intellectum,[2] est deitas suprema, quam Caodaisti credunt universum creavisse.[3][4] Caodaisti saepe vocabulo Đức Cao Đài ('Magnus Dominus Venerabilis') pro nomine imminuto utuntur, cuius plenum nomen est Cao Đài Tiên Ông Đại Bồ Tát Ma Ha Tát ('Maxima Potestas, Antiquus Immortalis, Maximus Bodhisattva'). Signum fidei est laevus dei oculus, qui actus yang (masculas, ordinantes, positivas, prolatas) dei creatoris masculi repraesentat, quae ab actibus yin (Vietnamice âm) dei materni, reginae matris occidentalis (Diêu Trì Kim Mẫu, Tây Vương Mẫu), matris humanitatis, librantur.[5]
Assectatores oratione, maioribus venerandis, inviolentia, et vegetarianismo utuntur ut sese cum eorum deo uniantur, atque a saṃsāra liberentur.[6] Aestimationes numerorum Caodaisti in Vietnama variant; gubernatio 4.4 milliones fere ad ecclesiam Tây Ninh affiliatos, vel 6 milliones fere numerat, si aliae sectae adduntur.[7][8][9][10][11] Multi assectatores alii, plerumque Vietnamienses ethnici, in America Septentrionali, Europa, et Australia incolunt.