Alexander Crowley
From Wikipedia, the free encyclopedia
Alexander Crowley, Anglice Aleister Crowley[1] (natus Edward Alexander Crowley; 12 Octobris 1875; 1 Decembris 1947), fuit occultista, magicus, poeta, pictor, scriptor mythistoriarum, et montanus Anglicus. Rationem Thelematis, religionis et philosophiae novae, reddere debuit, in qua parte se prophetam consideravit, ut homines in Aeon Hori duceret saeculo vicensimo ineunte commissum.
Obitus: 1 Decembris 1947; Hastinga
Patria: Britanniarum Regnum, Britanniarum Regnum
Nomen nativum: Edward Alexander Crowley
Familia
Crowley, in familia divite Fratrum Plimmutensium natus, hanc religionem reiecit ut esotericismum Occidentalem, poesin, et res montanas cognosceret. Cantabrigiae eruditus est, ubi in sententiam bisexualitatis transivit. Sunt biographi qui dicant eum ab administratione intelligentiae Britannica ibi conscriptum fuisse, et speculatorem omnem per vitam mansisse. Anno 1898, se cum esotericum Ordine Hermetico Aurorae Aureae coniunxit, antequam ad Domum Boleskine iuxta Lacum Nessianum migravit et ad Mexicum et India ad discendos usus Hinduisticos et Buddhistics peregrinavit. Rosam Editham Kelly duxit, et iter ad Cairum anno 1904 fecit, ubi Crowley dixit se ab Aiwass, entitatis corporis experte, (qui in Latine fortasse ens-spiritualis sive melius ens-spiritus) visitatum fuisse, qui ei Librum Al vel Legis donaverat, textum sacrum qui pro fundamentis Thelematis fuerit.
Crowley, conatu in Kanchenjungam scansam anno 1905 infelice effecto, Britanniam rediit, ubi anno 1907 ipse et Georgius Caecilius Jones A∴A∴ ordinem Thelemitanum una condiderunt. Postquam nonnullos menses in Algeria degit, Ordini Templi Orientis anno 1912 initiatus est, in quo dux eius rami Britannici factus est, quem ex fidibus Thelematis redintegravit. Bellum Magnum in Civitatibus Foederatis degit, ubi pro administratione intellegentiae Britannica se in lobbiam Germaniae favente insinuare operatus est
Cephaloedium in Sicilia anno 1920 migravit, ut commune Abbatiam Thelematis appellatum administraret. Britannici actorum diurnorum scriptores eum vituperaverunt ob mores dissolutos, et administratio Italica eum anno 1923 expulit. Duobus decenniis sequentibus in Gallia, Germania, et Anglia habitavit, ac Thelemati consulere solebat usque ad mortem.
Crowley vivus infamissimus erat, experimenta drogarum oblectationis faciens, individualista, et iudex societatis. Quam ob rem, in diariis popularibus vituperari nomine "impiissimus orbis terrarum vir"[2] et Satanista (false) nominari solebat. Ipse persona magni momenti in esotericismo Occidentali et motu contra culturam manet, ac propheta in Thelemate iam accipitur. Anno 2002, comitia a BBC administrata eum aestimaverunt septuagensimum tertium a maximo Britannico.