Félagasamtök
From Wikipedia, the free encyclopedia
Félagasamtök (eða félag) er bandalag sem hefur verið myndað af hópi fólks. Meðlimir félagssamtaka taka allir þátt í ákvörðunartöku félagsins, en eiga enga hlutdeild í eignum félagsins og eru heldur ekki ábyrgir fyrir rekstri þess. Meirihluti félagsmanna ræður samþykktum félaga og þær ákvarðanir eru teknar á félagsfundi. Dæmi um það sem félag getur staðið fyrir er félagskapur fólks, sameiginlega hagsmuni eða æskulýðstarf. Félög, ólíkt fyrirtækjum, mega ekki vera rekin í hagnaðarskyni. Félög mega þó selja vörur og þjónustu svo framalega sem það þjónar hagsmunum félagsins.[1]
Það þarf að skrifa þessa grein út frá alþjóðlegu sjónarmiði. Vinsamlegast bættu greinina eða ræddu málið á spjallsíðunni. |
Félagssamtök geta verið almenn félagssamtök eða sérhæfð félagssamtök. Þau geta haft mismunandi réttarstöðu og skattskyldu. Félagasamtök þurfa að skrá sig í fyrirtækjaskrá ríkisskattstjóra og leggja fram staðfestan ársreikning. Félagasamtök geta sótt um styrki frá stjórnvöldum til að framkvæma þróunarsamvinnuverkefni eða mannúðaraðstoð.[2] [3] Slík samtök starfa undir lögum 119/2009 um félagasamtök með starfsemi yfir landamæri.[4]