Salvador, Bahia
From Wikipedia, the free encyclopedia
Salvador esas la chef-urbo e maxim populoza urbo dil stato Bahia e, segun la demografiala kontado di 2022, la 5ma maxim populoza urbo di Brazilia, kun 2 418 005 habitanti[1].
Salvador, Bahia | ||
Kelk imaji pri Salvador, Bahia. | ||
Standardo | Blazono | |
Lando: | Brazilia | |
Stato: | Bahia | |
Informo: | ||
Fondita ye: | 29ma di marto 1549 | |
Fondita da: | Tomé de Sousa | |
Latitudo: | 12°58'29" S | |
Longitudo: | 38°28'36" W | |
Altitudo: | 8 m | |
Surfaco: | 693,2 km² | |
Habitanti: | 2 418 005[1] (2022) | |
Disto de Brasília: | 1.531[2] km | |
Horala zono: | UTC-3 | |
Urbestro: | Bruno Reis (UNIÃO[3], 2021 – 2024) | |
Mapo: | ||
Oficala retosituo: | ||
www.salvador.ba.gov.br |
Ol fondesis en 1549 da Tomé de Sousa, por esar l'unesma chef-urbo di Brazilia, e funcionis quale to til 1763. Lua kolonial arkitekturo e l'elementi de la mixo di kulturi Afrikana ed Europana videbla, exemple, en lua karnavalo ed en lua religiala eventi, atraktas mili di turisti omnayare, sive Braziliani, sive stranjeri. Lua historiala centro (quartero Pelourinho) deklaresis Mondala Patrimonio dal UNESKO en 1985.
Ultre turismo, Salvador esas importanta komercala, servadala e portuala centro de la Nord-estala regiono di Brazilia. La Federala Universitato di Bahia (UFBA) e l'unesma skolo-tereno di la Universitato dil Stato Bahia (UNEB) jacas en Salvador. Importanta entraprezi Braziliana, exemple Odebrecht, Braskem, Coelba e Kompanio Suzano, havas lia sideyi en Salvador.
La surfaco dil municipo esas 693,2 km². Lua metropolala regiono havis 3 984 583 habitanti en 2016, esanta la 7ma maxim populoza metropolala regiono di Brazilia.