Tengnga nga Amerika (rehion)
rehion kadagiti tengnga alatitud ti Kaamerikaan / From Wikipedia, the free encyclopedia
Ti Tengnga nga Amerika ket ti rehion kadagiti tengnga a latitud ti Kaamerikaan. Idiay akin-abagatan nga Amianan nga Amerika, daytoy ket kadawyan a buklen ti Mehiko, dagiti pagilian ti Sentral nga Amerika, ken ti Karibe. Ti sakop daytoy a termino ket mabalin nga agdumaduma. Sagpaminsan a mairaman pay ti Colombia ken Venezuela iti Tengnga nga Amerika; ti Karibe ket sagpaminsan pay a mailaksid manipud ti rehion; ken ti Guayanas ket manmano a mairamraman.[2][3][4]
Tengnga nga Amerika | |
---|---|
Kalawa | 2,728,827 km2 (1,053,606 sq mi) |
Populasion (2007) | 188,187,764 |
Es-estado | |
Dagiti agkamkammatalek | 19
|
GDP | $1.416 229 trilion (PPP, 2005 karkulo) |
Dagiti nangruna a pagsasao | Espaniol, Ingles, Maya, Pranses, Kreoll ti Haiti, Kreol ti Antila, ken daddum pay |
Sona ti oras | UTC -4:00 (Barbados) aginggana ti UTC -8:00 (Mehiko) |
Dagiti kadakkelan nga urbano nga aglomerasion | (2005)[1]
|
No maipapan iti pisikal a heograpia, ti Tengnga nga Amerika ket mangmarka ti teritorial a transision a nagbaetan iti dadduma nga Amianan nga Amerika ken Abagatan nga Amerika, a mangikapet ngem mangisina met dagitoy dua.[5] Iti laud, ti nangruna a daga ti Tengnga nga Amerika ket buklen ti bumasbassit nga ismo a masa ti daga ti Amerika a nagbaetan ti akin-abagatan a Nabato a Banbantay idiay akin-abagatan nga Estados Unidos ken ti akin-amianan nga ungto ti Andes idiay Colombia,[6] a mangisina ti Taaw Pasipikoiti laud ken ti Taaw Atlantiko (babaen ti Golpo iti Mehiko ken Baybay Karibe) iti daya, bayat a ti Kaltakan ken Basbassit nga Antila ket mangporma iti maysa nga arko ti isla iti daya.[5] Ti rehion ket makapadur-as iti sirok ti angin nga agpaabagatan manipud idiay Amianan nga Amerika a kas kompleks a sistema ti bulkaniko nga arko-trinsera idi las-ud ti panawen ti Nasapa a Kretasiko , ken kanungpalan a nangporma ti rangtay ti daga idi las-ud ti Plioseno a panawen nga idi ti akin-abagatan a patinggana (idiay Panama) ket nakidinnungpar iti Abagatan nga Amerika babaen ti tektoniko nga aksion.[7]
Sagpaminsan pay a ti termino ti Tengnga nga Amerika ket naus-usar a maipada iti Sentral nga Amerika[4] (no maipada iti Tengnga nga Aprika ken Sentral nga Aprika). Iti Ingles, ti termino ket saan unay a maus-usar a kas sinonimo ti termino ti Mesoamerika (wenno Meso-Amerika),[6][8] a kadawyan a mangibaga ti maysa a taga-ugma a rehion ti kultura a mabirukan iti Tengnga nga Amerika a gumay-atiti agarup a manipud ti sentral a Mehiko aginggana ti akin-amianan a Costa Rica.[9] Itipay maipatinayon, dagiti agtataeng ti rehion ti (kas dagiti Taga-Costa Rica ken dagiti Taga-Nicaragua) ket mabalinda a maibaga a kas dagitiMeso-Amerikano wenno dagiti Sentral nga Amerikano ngem nupay kasta ket saan a kas dagiti Tengnga nga Amerikano, a daytoy ket mangibaga ti naisangayan a konstituensia idiay Estados Unidos.[10]