Shirley Temple
Amerikana nga aktres iti pelikula ken telebision / From Wikipedia, the free encyclopedia
Ni Shirley Temple Black (nakayanakan a nagan ket Temple; Abril 23, 1928 – Pebrero 10, 2014) ket maysa idi nga Amerikana nga aktres iti pelikula ken telebision, kumakanata, sumasala, ken katulong iti publiko, ken kadayegan a kas kaaduan ti nailaklako iti pelikula nga artista manipud idi 1935 aginggana idi 1938. Kas maysa a manakman, isu ket simrek iti politika ken nagbalin a diplomata, ken nagserbi a kas Embahador ti Estados Unidos iti Ghana ken kalpasanna iti Tsekoslobakia, ken kas Hepe ti Protokol ti Estados Unidos.
Shirley Temple | |
---|---|
Dagiti salaysay | |
Nayanak | Shirley Temple Abril 23, 1928 [1][2][3][4][5][6] Santa Monica |
Natay | Pebrero 10, 2014 (tawen 85) [1][2][3][4][5] Woodside |
Gapu iti pannakatay | Chronic obstructive pulmonary disease |
Trabaho | Aktor, aktor ti pelikula, kumakanta, diplomatiko, child actor, sumasala, aktor ti telebision, politiko |
A(s)sawa | John Agar ; 1 nga anak(n. 1945; dib. ;1950) Charles Alden Black ; 2 nga annak(n. 1950; natay idi 2005) |
Dagiti gunguna | Academy Juvenile Award, honorary citizen of Plzeň, star on Hollywood Walk of Fame |
Pirma | |
Website | |
https://www.shirleytemple.com/ |
Inrugi ni Temple ti karerna iti pelikula idi 1932 idi agtawen iti tallo. Idi 1934, isu ket nakagun-od iti sangalubongan a kadayeg iti Bright Eyes, ti pelikula a naisangayan a naidesinio para kadagiti talentona. Isu ket nakaawat iti espesial a Gunguna ti Akademia para iti Ubbing idi Pebrero 1935 para kadagiti nasayaat a kontribusionna a kas bing nga agpabpabuya kadagiti agkuti a pelikula idi las-ud ti 1934, ken dagiti popular a pelikula a kas ti Curly Top ken Heidi ken sinaruno dagiti tawen idi las-ud ti tengnga aginggana kadagiti tawen ti naladaw a 1930. Dagiti nalisensiaan a tagilako a nagipuonan iti nasayaat a pannakailadawanna ket mairaman dagiti munieka, pinggan, ken kawes. Bimassit ti popularidadna kadagiti sine idi naabotna iti agtutubobo.[7]