San Jose, California
tugaw ti kondado ti Kondado ti Santa Clara, California, Estados Unidos / From Wikipedia, the free encyclopedia
Ti San Jose[upper-alpha 1] (/ˌsæn hoʊˈzeɪ, -ˈseɪ/; Espaniol: [saŋ xoˈse]),[3] opisial a ti City of San José (Siudad ti San José),[upper-alpha 2] ket ti sentro ti kultura, pinansia, ken politiko ti Silicon Valley[4][5][6] ken ti kadakkelan a siudad iti Akin-amianan a California, babaen ti populasion ken kalawa.
San Jose | |
---|---|
Siudad ti Estados Unidos | |
Nagsasabtan: 37°18′15″N 121°52′22″W | |
Pagilian | Estados Unidos iti Amerika |
Napundar | Nobiembre 29, 1777 |
Gobierno | |
• Daulo | Sam Liccardo |
Kalawa | |
• Dagup | 180.52 sq mi (467.55 km2) |
Kangato | 82 ft (25 m) |
Populasion (Abril 1, 2020)[2] | |
• Dagup | 1,013,240 |
• Densidad | 5,600/sq mi (2,200/km2) |
Sona ti oras | Sona ti Oras ti Pasipiko, UTC−08:00, UTC−07:00 |
Kodigo ti lugar | 408, 669 |
Website | www |
Iti nakarkulo a populasion ti 1,021,795 idi 2019, daytoy ti maikatlo a kaaduan ti populasion a siudad iti California (kalpasan ti Los Angeles ken San Diego) ken ti maikasangapulo a kaaduan ti populasion iti Estados Unidos.[7] Mabirukan iti tengnga ti Santa Clara Valley, iti akin-abagatan nga aplaya ti Luek San Francisco, sakupen ti San Jose iti kalawa iti 179.97 kuadrado milia (466.1 km2). Ti San Jose ke ti tugaw ti kondado ti Kondado ti Santa Clara, ti kabaknangan a kondado iti California ken maysa kadagiti kabaknangan a kondado iti Estados Unidos.[8][9][10][11] Ti San Jose ket isu ti kangrunaan a komponente ti Lugar ti Estadisko ti Metropolitano ti San Jose–Sunnyvale–Santa Clara, nga agraman iti nakarkulo a populasion iti agarup a 2 a riwriw nga agtataeng idi 2018.[12] Daytoy pay ti kaaduan ti populasion iti Lugar ti Luek San Francisco ken ti Naitiptipon a Lugar ti Estadisko ti San Jose–San Francisco–Oakland, a respektibo nga aglaon kadagiti 7.7 a riwriw ken 8.7 a riwriw a tattao.[13]
Ammo ti San Jose a kas maysa a sentro ti inobasion, gapu ti kabaknangna,[14][15][16] Mediteraneo a klima, ken ti nangato a bayad iti panagbiag.[17] Ti lokasionna iti kaunegan ti dumurdur-as nga industria ti high tech kas maysa a sentro ti kultura, politika, ken ekonomia ket isu ti nakaalaan ti parbo a nagan ti siudad iti "Kapitolio ti Silicon Valley". Ti San Jose ket maysa kadagiti kabaknangan a nangruna a siudad iti Estados Unidos ken iti lubong, ken addaan iti maikatlo a kangatuan ti per capita iti lubong (kalpasan ti Zürich, Suisa ken Oslo, Norwega), segun ti Brookings Institution.[18] Ti Lugar ti Metropolitano ti San Jose ket agraman kadagiti kaaduan a milionario ken dagiti kaaduan a bilionario iti per capita ti Estados Unidos.[19] Iti agpakatengnga a presio ti balay iti $1,085,000,[20] ti San Jose ket addaan iti kanginaan a pagtagilakuan iti balay iti pagilian ken maikalima a kanginaan a pagtagilakuan iti balay iti lubong, segun ti Demographia International Housing Affordability Survey idi 2017.[21][22][23][24]