Ruy López de Villalobos
Espaniol nga eksplorador / From Wikipedia, the free encyclopedia
Ni Ruy López de Villalobos (ca. 1500 – Abril 4, 1544) ket maysa idi nga eksplorador nga Espaniol a naglayag idiay Pasipiko manipud idiay Mehiko tapno mangbangon iti permanente a lugar para iti Espania kadagiti Daya nga India, nga asideg idi iti linia ti Demarkasion a pagbaetan ti Espania ken Portugal segun ti Tulag ti Zaragoza idi 1529. Ni Villalobos ti nangited iti nagan ti Filipinas, kalpasan iti panagtawagna iti Las Islas Filipinas a kas pammadayaw kenni Felipe ti Austria, ti Prinsipe ti Asturias iti dayta a panawen, ken isu ti kanungpalan a nagbalin a Felipe II ti Espania. Idi 1542 isu pay ti nakaduktal kadagiti grupo ti isla ti Pasipiko, kaaduan a mabalin daytoy a ti Hawaii, ngem insekreto met idi daytoy nga Espaniol.[1]
Quick Facts Nayanak, Natay ...
Ruy López de Villalobos | |
---|---|
Nayanak | ca. 1500 Málaga, Espania |
Natay | Abril 4, 1544 (tawen 43–44) Ambon, Is-isla Maluku, Indonesia |
Nakaam-ammuan | Intedna ti nagan a Las Islas Filipinas iti Filipinas a kas pammadayaw kenni Felipe II ti Espania |
Close