Pakasaritaan ti Filipinas (900–1521)
From Wikipedia, the free encyclopedia
Daytoy nga artikulo ket sakupenna ti pakasaritaan ti Filipinas manipud iti pannakapartuat ti Sinuratan ti Plata ti Gambang ti Laguna idi 900 aginggana iti isasangpet ni Ferdinand Magellan ti Europeano nga ekspolorador idi 1521, ken mangmarka daytoy ti rugi ti paset ti panawen ti kolonia ti Espania.
Ti Sinuratan ti Plata ti Gambang ti Laguna (LCI) ket ti immuna a naisurat a dokumento a nabirukan iti pagsasao ti Filipinas. Ti sinuratan ket mangipalawag ti petsa iti pannakapartuatna kas ti tawen ti 900. Sakbay ti pannakaduktalna idi 1989, ti kasapaan a rehistro ti Is-isla ti Filipinas ket maiunos iti isasangpet ni Ferdinand Magellan idi 1521. Ti pannakaduktal ti LCI thus ket mangipaatiddog ti pakasaritaan ti Filipinas kadagiti napalabas a 600 a tawen.[1][2] Kalpasan idi 900, ti nasapa a pakasaritaan dagiti teritorio ken dagiti estado ti pagilian sakbay iti agdama a Filipinas ket ammo babaen dagiti arkeolohiko[3] a nabirbiruk ken dagiti rehistro ti pannakaiyammo kadagiti sabali a sibilisasion a kas ti Tsina ti Disnastia ti Song ken ti Imperio ti Brunei.