Nailian a Santuario ti Bantay Samat
From Wikipedia, the free encyclopedia
Ti Nailian a Santuario ti Bantay Samat (Panangibalikas a Tagalog: [samat]) wenno Dambana ng Kagitingan (Santuario ti Kinatured) ket ti maysa a naipakasaritaan a santuario a mabirukan iti asideg ti pantok ti Bantay Samat iti ili ti Pilar, Probinsia ti Bataan, iti Republika ti Filipinas. Ti kompleks ti panglaglagip a santuario ket nabangon idi pammadayaw ken panglaglagip dagiti kinatured dagiti soldado a Filipino ken Amerikano a nakilaban kadagiti Imperial a Buyot ti Hapon iti las-ud ti Sangalubongan a Gubat II.
Nailian a Santuario ti Bantay Samat | |
---|---|
Santuario ti Kinatured Dambana ng Kagitingan | |
Kita | Panglaglagip |
Lokasion | Pilár, Bataan, Filipinas |
Nagsasabtan | 14°36′20.80″N 120°30′32.17″E |
Kalawa | 73,665 ektaria (182,030 acre) |
Napartuat | 1970 (1970) |
Mangipatpataray | Probinsial a Gobierno ti Bataan |
Nakalukat | amin a paset ti tawen |
Kasasaad | Nailian a Santuario 14 Abril 1966 |
Buklen ti maysa a Kolumnata ken ti dakkel a Panglaplagip a Krus, nakomision ti parke idi 1966 babaen ti dati a Presidente a ni Ferdinand Marcos,[1] para iti maika-25 nga Anibersario ti Gubat ti Sangalubongan II.[2] Nakatakder ti puraw a Panglaglagip a Krus a kas maysa a panglaglagip kadagiti soldado a nakilaban ken nakapukaw kadagiti baigada iti Bakalan ti Bataan. Mangiraman pay t kompleks ti santuario iti maysa a museo ti gubat nga agraman kadagiti nadumaduma nga urnong manipud kadagiti pinintaan kadagiti bannuar a Filipino, aginggana kadagiti armas nga inusar babaen dagiti puersa ti Filipino, Amerikano ken Hapon iti las-ud ti bakalan.
Manipud iti kolumnata ken ti krus, adda maysa a panoramiko a buya ti Bataan, ti Isla Corregidor ken iti maysa nalawag nga aldaw, ti siudad ti Manila a mabirukan iti agarup a 50 km (31 mi) iti ballasiw ti Luek Manila.