Lord Byron
Britaniko a mannaniw / From Wikipedia, the free encyclopedia
Ni George Gordon Byron, maika-6 a Baron Byron, ken ti kinaudi George Gordon Noel, maika-6 a Baron Byron, FRS (22 Enero 1788 – 19 Abril 1824), sapasap nga ammo a kas laeng ti Lord Byron, ket maysa idi nga Eskoses a mannaniw ken maysa a mangidaulo a pigura ti Romantiko a tignay. Kadagiti kadayegan nga obra ni Byron ket dagiti ababa a daniw ti "Ti Bababi ket Magmagna ti Kinapintas", "Epitapio iti maysa nga Aso", ken "Ti Umuna a Agek ti Ayat", a maipatinayon kadagiti salaysay a daniw ti Peregrinasion ni Childe Harold ken Don Juan. Isu ket naipanpanunotan a kas maysa kadagiti kalatakan a Britaniko a mannaniw ken agtultuloy nga adu ti mangbasbasa ken makaimpluensia.
Lord Byron | |
---|---|
Dagiti salaysay | |
Nayanak | George Gordon Byron (1788-01-22)22 Enero 1788 Londres, Inglatera, Gran Britania |
Natay | 19 Abril 1824(1824-04-19) (tawen 36) Missolonghi, Aetolia-Acarnania, Otomano nga Imperio |
Trabaho | Mannaniw, politiko |
Pakipagilian | Britaniko |
Alma mater | Unibersidad ti Cambridge |
Literario a tignay | Romantisismo |
Kangrunaan nga ob-obra | Don Juan, Peregrinasion ni Childe Harold, Beppo, Mazeppa, Ti Korsario, Lara, Maysa a Sarsarita |
Annak | Ada Lovelace, Allegra Byron |
Pirma |
Isu ket nagbanbaniaga tapno makilaban a kasinnupiat ti Otomano nga Imperio idiay Griego a Gubat ti Wayawaya, a dagiti Griego ket nagraraem kaniana a kas maysa a nailian a banuar.[1] Isu ket pimmusay idi agtawen ti 36 manipud ti gurigor a naalana bayat nga adda idiay Missolonghi idiay Gresia.
Ni Byron ket naramrambakan idi iti biag para iti aristokrato a nalabes a mairaman kadagiti adu nga utang, dagiti nadumaduma a panakiinnayatan, dagiti sayangguseng ti maysa nga eskandalo ti insestuoso a panakamainaigna ti kagudua a kabsatna a babai, ken ti kunabukbokadan a panagtalaw. Daytoy ket naipagpagarupan nga isu ket nagsagsagaba ti bipolar I a sakit, wenno maniaka a depresion.[2][3]