Departamento ti Cauca
departamento ti Colombia / From Wikipedia, the free encyclopedia
Ti Cauca ket maysa a Departamento ti Colombia. Daytoy ket mabirukan idiay abagatan a laud ti pagilian, a sumangsango iti Taaw Pasipiko iti laud, ti Departamento ti Valle del Cauca iti amianan, ti Departamento ti Tolima iti amianan a daya, ti Departamento ti Huila iti daya ken ti Departamento ti Nariño iti abagatan, dagiti departamento ti Putumayo ken Caqueta ket mabirukan ken mangibeddeng iti abagatan a daya a paset ti Cauca. Daytoy ket sumakop iti dagup a kalawa ti 29,308 km², ti maika-13 a kadakkelan idiay Colombia. Ti kapitoliona ket ti siudad ti Popayán. Ti isla ti Malpelo ket tagikua ti daytoy a departamento. Daytoy ket mabirukan idiay abagatan a laud ti pagilian idiay asideg ti Andes (nagbaetan ti 00°58'54"N ken 03°19'04"N latitud, 75°47'36"W ken 77°57'05"W longitud). Ti kalawa daytoy ket mangiraman ti 2.56% iti daytoy a pagilian. Ti Cauca ket naipanunotan nga isu ti 'episentro' ti naarmasan a suppiat ti Colombia manipud idi 2011.[2]
Departamento ti Cauca
Departamento del Cauca | |
---|---|
Pasasao: Para iti Karbengan ti Pakaidumaan (Espaniol: Por el Derecho a la Diferencia) | |
Nagsasabtan: 2°27′N 76°37′W | |
Pagilian | Colombia |
Rehion | Rehion ti Andes |
Pannakabangon | Hunio 15, 1857 |
Kapitolio | Popayán |
Gobierno | |
• Gobernador | Temistocles Ortega Narváez (Tignay ti Sosial a Kumaduaan dagiti Patneng) |
Kalawa | |
• Dagup | 29,308 km2 (11,316 sq mi) |
• Ranggo | Maika-13 |
Populasion (2013)[1] | |
• Dagup | 1,354,744 |
• Ranggo | Maika-11 |
• Densidad | 46/km2 (120/sq mi) |
Sona ti oras | UTC-05 |
Kodigo ti ISO 3166 | CO-CAU |
Munisipalidad | 41 |
Website | |