Danaw Victoria
danaw idiay Aprika / From Wikipedia, the free encyclopedia
Ti Danaw Victoria (Nam Lolwe iti Luo) ket maysa kadagiti Nalatak a Danaw ti Aprika. Ti danaw ket nainaganan kenni Reina Victoria ti Nagkaykaysa a Pagarian, babaen ni John Hanning Speke, ti immuna a Europeano a nakaduktal iti danaw.
Danaw Victoria | |
---|---|
Lokasion | Aprika |
Nagsasabtan | 1°S 33°E |
Kangrunaan a sumrekan | Karayan Kagera |
Kangrunaan a rummuaran | Puraw a Nilo (karayan) (ammo a kas ti "Victoria Nilo" gapu ta rummuar nga agayus iti danaw) |
Pagayusan a lugar | 184,000 km2 (71,000 sq mi) 238,900 km2 (92,200 sq mi) a labneng |
Pagpagilian ti labneng | Tanzania Uganda Kenya |
Kadakkelan a kaatiddog | 337 km (209 mi) |
Kadakkelan a kaakaba | 250 km (160 mi) |
Kalawa ti rabaw | 68,800 km2 (26,600 sq mi) |
Agpakatengnga a kaadalem | 40 m (130 ft) |
Kaadaleman | 83 m (272 ft) |
Tomo ti danum | 2,750 km3 (660 cu mi) |
Kaatiddog ti aplaya1 | 3,440 km (2,140 mi) |
Kangato ti rabaw | 1,133 m (3,717 ft) |
Is-isla | 3,000 (Is-isla ti Ssese, Uganda) |
Dagiti pagtaengan | Bukoba, Tanzania Mwanza, Tanzania Musoma, Tanzania Kisumu, Kenya Luek Kendu, Kenya Luek Homa, Kenya Kampala, Uganda Entebbe, Uganda Jinja, Uganda |
1 Ti kaatiddog ti aplaya ket saan a nasayaat a panagrukod. |
Iti kalawa ti rabaw ti 68,800 kuadrado kilometro (26,600 sq mi), ti Danaw Victoria ket isu ti kadakkelan a danaw idiay Aprika babaen ti kalawa, ken isu ti kadakkelan a tropikal a danaw iti lubong. Ti Danaw Victoria ket isu ti maikadua a kadakkelan a nasadiwa a danum a danaw iti lubong babaen ti kalawa ti rabaw; ti laeng Danaw Superior idiat Amianan nga Amerika ti dakdakkel. Iti termino ti tomo, ti Danaw Victoria ket isu ti maikasiam a kadakkelan a kontinental a danaw, ken aglaon ti danum ti agarup a 2,750 kubiko kilometro (2.2 bilion acre-pié).
Ti Danaw Victoria kaaduam a makaawat ti danumna manipud iti dagus a panagtudo wenno manipud kadagiti ginasut a babbassit a waig. Ti kadakkelan a waig nga gayayus iti daytoy a danaw ket ti Karayan Kagera, a naisanglad ti sabanganna idiay laud nga aplaya ti danaw. Dua akarayan ti pumanaw ti daytoy a danaw, ti Puraw a Nilo (naamammoan a kas ti "Victoria Nilo" gapu ta panawanna ti danaw), nga agayus idiay Jinja, Uganda idiay amianan nga aplaya ti danaw, ken ti Karayan Katonga nga agayus idiay Lukaya idiay laud nga aplaya a kumapet ti danaw idiay Danaw George.[1]
Ti Danaw Victoria ket sakupenna ti ababaw a depresion idiay Aprika ken adda ti kaadalem ti 84 m (276 ft) ken ti natimbeng a kaadalem ti 40 m (130 ft).[2] Ti pagayusanna a lugar ket sakupenna ti 184,000 a kuadrado kilometro (71,040 sq mi). Ti danaw ket adda ti aplaya ti 4,828 km (3,000 mi), nga adda dagiti isla a mangbukel ti 3.7% ti kaatiddogna,[3] ken nabingbingay kadagti tallo a pagilian: ti Kenya (6% wenno 4,100 km2 wenno 1,600 sq mi), ti Uganda (45% wenno 31,000 km2 wenno 12,000 sq mi) ken Tanzania (49% wenno 33,700 km2 wenno 13,000 sq mi).[4]
Ti danaw ket agsupsuporta ti kadakkelan a panagkalap ti kaunegan a daga ti Aprika.