Barbra Streisand
Amerikana a kumakanta, aktres, mannurat, produser ti pelikula, ken direktor / From Wikipedia, the free encyclopedia
Ni Barbara Joan "Barbra" Streisand (/ˈstraɪsænd/; nayanak idi Abril 24, 1942) ket maysa nga Amerikana a kumakanta, mannurat ti kanta, aktres, ken agpatpataud iti pelikula. Iti las-ud ti pagsaulanna a nagpaut iti innem a dekada, isu ket nagbalin a maysa a simbolo kadagiti nadumaduma a kita ti paglinglingayan, nangabak kadagiti adu a gunguna, ken nakagun-od iti pannakabigbig a kas Ina dagiti Amin a Kontemmporario a Diva ti Pop wenno Reina dagiti Diva.[3][4][5][6][7][8][9] Isu ket nabigbiganen kadagiti dua Gunguna ti Akademia,[10] sangapulo a Gunguna ti Grammy a mairaman ti Gunguna ti Grammy Lifetime Achievement ken ti Gunguna ti Leyenda ti Grammy,[11] lima a Gunguna ti Emmy a mairaman ti maysa a Daytime Emmy,[12] Espesial a Gunguna ti Tony, maysa a gunguna ti American Film Institute, ti premio Kennedy Center Honors,[13] uppat a Gunguna ti Peabody,[14] Presidensial a Medalia ti Wayawaya[15] ken siam a Gunguna ti Nabalitokan a Globo.[16] Isu ket maysa kadagiti bassit a grupo dagiti manglinglingay a napammadayawan iti gunguna ti Emmy, Grammy, Oscar, ken Tony Award, ken maysa kadagiti dua laeng nga artista a nangabak pay ti Peabody.[17]
Barbra Streisand | |
---|---|
Nayanak | Barbara Joan Streisand Abril 24, 1942 (tawen 82)[1][2] Brooklyn |
Trabaho | Aktor ti pelikula, kumakanta, direktor ti pelikula, kumakanta-mannurat ti kanta, produser ti pelikula, mannurat, jazz musician, mannurat iti senario, aktor ti teatro, aktor ti telebision, aktor, agrekrekord nga artista, director |
A(s)sawa | Elliott Gould (n. 1963; dib. ;1971) James Brolin (n. 1998) |
A(n)nak | Jason Gould |
Ka(ka)bsat | Roslyn Kind |
Dagiti gunguna | Kalaingan nga Aktres, Library of Congress Living Legend |
Pirma | |
Pagsapulan iti musika | |
Kita |
|
Instrumento | Boses |
Tawen a nasiglat | 1963–agdama |
Etiketa | Columbia |
Mainaig nga aramid |
|
Website | barbrastreisand |
Website | |
https://barbrastreisand.com/ |