Bantay Everest
kangatuan a bantay iti lubong / From Wikipedia, the free encyclopedia
Ti Bantay Everest (Nepali: सगरमाथा, Sagarmāthā; Tibetano: ཇོ་མོ་གླང་མ, Wylie: jo mo glang ma; Chomolungma[3][4][5] wenno Qomolangma /ˈtʃoʊmoʊˌlɑːŋmə/ CHOH-moh-LAHNG-mə,[5] "Nasantuan nga Ina"; Insik: 珠穆朗玛峰; pinyin: Zhūmùlǎngmǎ Fēng; [6]) ket isu ti kangatuan a bantay iti Daga, nga adda ti pantok iti 8,848 metro (29,029 ft) ti ngato ti lessaad ti baybay. Daytoy ket mabirukan idiay Mahalangur a paset ti Himalaya. Ti internasional a pagbeddengan a nagbaetan ti Tsina ken Nepal ket gumay-at ti pudno a puntos ti pantok.Ti bukodna a massif ket mangiraman kadagiti kaarrubana a pantok ti Lhotse, 8,516 m (27,940 ft); Nuptse, 7,855 m (25,771 ft); ken Changtse, 7,580 m (24,870 ft).
Bantay Everest (Qomolongma / Sagarmatha) | |
---|---|
Kangatuan a Bantay iti Lubong | |
Kangatuan a punto | |
Kangato | 8,848 m (29,029 ft) [1] Nairanggo nga umuna |
Kalatak | 8,848 m (29,029 ft) Pakaammo ti naisangsangayan a pannakaipalpalawag para iti Everest. |
Pannakaisina | 40,008 kilometro (24,860 mi) |
Listaan | Dagiti Pito a Pantok Walo a rinibu Kangatuan a puntos ti pagilian Ultra |
Nagsasabtan | 27°59′17″N 86°55′31″E |
Heograpia | |
Lokasion | Distrito ti Solukhumbu, Sona ti Sagarmatha, Nepal Kondado ti Tingri, Prepektura ti Shigatse, Naturay a Rehion ti Tibet, Republika ti Tattao ti Tsina [2] |
Nagannak | Mahalangur Himal, Himalaya |
Panagsang-at | |
Sinang-at | 29 Mayo 1953 Edmund Hillary Tenzing Norgay |
Dalan (kalakaan) | Abagatan a Col (Nepal) |
Idi 1856, ti Nalatak a Trigonometriko a Panagsukimat ti Britaniko nga India ket nangibangon ti immuna a naipablaak a kangato ti Everest, a naam-ammuan idi a kas ti Pantok XV, iti 29,002 ft (8,840 m). Idia 1865, ti Everest ket naikkan idi ti opisial a nagan babaen ti Naarian a Kagimongan ti Heograpiko kalpasan ti panangisingasing babaen ni Andrew Waugh, ti Britaniko ti Heneral nga agsuksikamat ti India. Ni Waugh ket ninagananna ti bantay manipud ti sinarununa ti puesto, a ni Apo George Everest. Urayno dagiti Tibetano ket tinawtawaganda idin ti Everest a kas ti "Chomolungma" kadagiti napalabasen a sigsiglo, ni Waugh ket saanna idi nga ammo daytoy gapu ta ti Nepal ken Tibet ket narikpan idi manipud kadagiti ganganaet.