Abagatan a Sudan
pagilian idiay Aprika / From Wikipedia, the free encyclopedia
Ti Abagatan a Sudan (/ˌsaʊθ suːˈdæn/ (dengngen) or /suːˈdɑːn/), opisial a ti Republika ti Abagatan a Sudan[8] ken dati a tinawtawagan ti Akin-abagatan a Sudan, ket maysa a naseraan ti daga a pagilian idiay daya-tengnga nga Aprika[8] a paset ti subrehion ti Nagkaykaysa a Pagpagilian iti Akin-daya nga Aprika.[9] Ti agdama a kapitoliona ket ti Juba, ken isu pay ti kadakkelan a siudadna. Ti kapitolio a siudad ket naplano ken sentronto a mabirukan idiay Ramciel iti masakbayan.[10] Ti Abagatan a Sudan ket bineddengan babaen ti Etiopia iti daya, ti Kenya iti abagatan a daya, ti Uganda iti abagatan, ti Demokratiko a Republika ti Kongo iti abagatan alaud, ti Republika ti Tengnga nga Aprika iti laud ken ti Republika ti Sudan iti amianan. Daytoy ket mangraman ti nalawa a kalugnakan a rehion ti Sudd, a pinorma babaen ti Puraw a Nilo ken lokal makunkuna a aks ti Bahr al Jabal.
Republika ti Abagatan a Sudan | |
---|---|
Napili a pagsasao: "Hustisia, Wayawaya, Prosperidad" | |
Nailian a kanta: "South Sudan Oyee!" | |
Kapitolio ken kadakkelan a siudad | Juba 04°51′N 31°36′E |
Opisial a sasao | Ingles[1][2] |
Mabigbig a nilian a sasao |
ken agarup a 60 kadagiti dadduma pay a pagsasao |
Nagan dagiti umili | Taga-Abagatan a Sudan |
Gobierno | Presidensial a republika |
• Presidente | Salva Kiir Mayardit |
• Bise Presidente | James Wani Igga |
Lehislatura | Nailian a Lehislatura |
KOnseho dagiti Estado | |
Nailian nga Asemblia | |
Pannakawayawaya manipud iti Sudan | |
31 Disiembre 1955 | |
• Komprehensibo a Tulagan ti Kappia | 6 Enero 2005 |
• Autonomia | 9 July 2005 |
• Pannakawayawaya | 9 Hulio 2011 |
Kalawa | |
• Dagup | 619,745 km2 (239,285 sq mi) (42nd) |
Populasion | |
• Senso idi 2008 | 8,260,490 (nasuppiatan)[3] (Maika-94) |
• Densidad | 13.33/km2 (34.5/sq mi) (Maika-214) |
GDP (PPP) | Karkulo idi 2012 |
• Dagup | $10.450 bilion[4] |
• Tunggal maysa a tao | $1,006[4] |
GDP (nominal) | Karkulo idi 2012 |
• Dagup | $12.202 bilion [4] |
• Tunggal maysa a tao | $1,174[4] |
Gini (2009) | 45.5[5] kalalainganna |
Kuarta | Libra ti Abagatan a Sudan (SSP) |
Sona ti oras | UTC+3 (Oras ti Daya nga Aprika) |
Pagmanehuan | kanawan |
Kodigo ti panagtawag | +211[6] |
Kodigo ti ISO 3166 | SS |
TLD ti internet | .ss[7]a |
|
Dagiti teritorio ti moderno nga Abagatan a Sudan ken ti Republika ti Sudan ket paset idi ti Ehipto babaen ti Muhammad Ali a Dinastia, ken tinurayan idi a kas maysa nga Anglo-Ehipsio a kondominio aginggan idi nakagun-od ti Sudan pannakawayawaya idi 1956. Kalpasan ti Umuna a Sibil a Gubat ti Sudan, ti Autonomo a Rehion ti Akin-abagatan a Sudan ket naporma idi 1972 ken nagpaut agingana idi 1983. Nangrugi ti Maikadua a Sibil a Gubat ti Sudan ket nagpatingga iti Komprehensibo a Tulagan ti Kappia idi 2005. Iti naladaw iti dayta met laeng a tawen, ti akin-abagatan nga autonomia ket naipasubli idi naporma ti maysa nga Autonomo a Gobierno ti Akin-abagatan a Sudan .