Ստեարինաթթու
քիմիական միացություն / From Wikipedia, the free encyclopedia
Ստեարինաթթու, օկտադեկանաթթու, ալիֆատիկ շարքի միահիմն հագեցած կարբոնաթթու։ Անգույն բյուրեղներ են, հալման ջերմաստիճանը՝ 69,6 °C, եռմանը՝ 376,1 °C։ Ջրում չի լուծվում։ Լուծվում է եթերում և սպիրտում։ Ստեարինաթթվի աղերը՝ ստեարատները, մակերևութային ակտիվ նյութեր են, ջրում լուծելի աղերը (Na, К-ի)՝ օճառներ։ Բնության մեջ տարածված ճարպաթթու է, Ստեարինաթթվի, պալմիտինաթթվի և օլեինաթթվի գլիցերիդները բնական ճարպերի գլխավոր բաղադրիչներն են։ Կենդանական ճարպերը հիդրոլիզելով ստանում են ստեարին (հեղուկ օլեինաթթուն անջատելուց հետո), որից Ստեարինաթթուն անջատում են կոտորակային նստեցման կամ թորման միջոցով։ Ստեարինաթթու ստացվում է նաև օլեինաթթվի հիդրոգենացմամբ և այլ ճանապարհներով։ Մաքուր Ստեարինաթթու օգտագործում են օրգանական սինթեզում և վերլուծական քիմիայում (պղտորաչափական եղանակով որոշում են Ca, Mg, Ա), տեխ․ Ստեարինաթթուն որպես դիսպերգատոր և վուլկանիզատոր (ռետինի արտադրությունում)։ Ստեարատները (Na, Li, Ca, Pb և ն) մտնում են պլաստիկ քսուքների, իսկ Ստեարինաթթուն և նրա էսթերները՝ օծանելիքի բաղադրության մեջ։
Ստեարինաթթու | |
---|---|
Քիմիական բանաձև | C₁₈H₃₆O₂ |
Մոլային զանգված | 4,7E−25 կիլոգրամ[1] գ/մոլ |
Խտություն | 0,94 գ/սմ³ գ/սմ³ |
Հալման ջերմաստիճան | 69,6 °C, 71 °C[2] և 68,82 °C[3] °C |
Եռման ջերմաստիճան | 361 °C և 383 °C[4] °C |
Քիմիական հատկություններ | |
Դասակարգում | |
CAS համար | 57-11-4 |
PubChem | 5281 |
EINECS համար | 200-313-4 |
SMILES | CCCCCCCCCCCCCCCCCC(=O)O |
ЕС | 200-313-4 |
ChEBI | 5091 |
Եթե հատուկ նշված չէ, ապա բոլոր արժեքները բերված են ստանդարտ պայմանների համար (25 °C, 100 կՊա) |