Wulke jězory
From Wikipedia, the free encyclopedia
Wulke jězory (jendźelsce Great Lakes) je zapřijeće za pjeć wulkich ze sobu zwjazanych jězorow w Sewjernej Americe. Wone so nadeńdu při hranicy mjez Zjednoćenymi statami na juhu a Kanadu na sewjeru. Wšě jězory słušeja k 15 najwjetšim na swěće.
K Wulkim jězoram słušeja:
- Erieski jězor (Lake Erie)
- Huronski jězor (Lake Huron) – druhi najwjetši jězor Ameriki a štwórty na swěće
- Michiganski jězor (Lake Michigan) – třeći najwjetši jězor Ameriki a pjaty na swěće
- Horni jězor (Lake Superior)
- Ontarioski jězor (Lake Ontario) – najwjetši jězor Ameriki a druhi na swěće
Najwjetši rozdźěl wysokosće mjez jězorami je 150 metrow, při čimž tworja Niagaraske wodopady najwjetši dźěl tutoho rozdźěla. St.-Lorencowa rěka wotwódnjuje wulke jězory do Atlantiskeho oceana. We wšěch pjeć jězorach je wokoło 35.000 kupow.
Na US-ameriskim boku maja staty Minnesota, Wisconsin, Michigan, Illinois, Indiana, Ohio, Pennsylvania a New York podźěl na Wulkich jězorach, na kanadiskim boku prowinca Ontario.