Illinois
zwjazkowy stat Zjednoćenych statow Ameriki / From Wikipedia, the free encyclopedia
Illinois je US-ameriski zwjazkowy stat, kotryž leži w srjedźnym zapadźe kraja mjez Mississippijom a Michiganskim jězorom. Ma něhdźe 12,8 milionow wobydlerjow na přestrjeni wot 150.000 kwadratnych kilometrow a je tuž po wobydlerstwje pjaty najwjetši zwjazkowy stat. Stolica je Springfield (116.000 wobydlerjow), z wotstawkom najwjetše město pak Chicago při Michiganskim jězorje (2,7 milionow wobydlerjow).
hesło: Ditat deus | |
přimjeno: Land of Lincoln | |
Zakładne daty | |
---|---|
stolica | Springfield |
přestrjeń | 149.995 km² |
wobydlerstwo | 12.859.995 (1. jul 2015)[1] |
hustosć | 86 wob. na km² |
časowe pasmo | UTC–6 (CST) |
Politika | |
guwerner | Bruce Rauner (Rep.) |
přistup do unije | 3. decembra 1818 |
Přehladna karta zwjazkoweho stata | |
Stat mjezuje z Wisconsinom na sewjeru, Indianu na wuchodźe a Kentuckyjom na juhowuchodźe. Na zapadźe tworja rěka Mississippi mjezu k statomaj Missouri a Iowa.
Illinois přiwza so dnja 3. decembra 1818 jako 21. stat do unije a ma po něhdyšim prezidenće Abraham Lincoln přimjeno „Land of Lincoln“.
W lěće 2000 měješe 80,8 % wobydlerstwa jendźelšćinu za maćeršćinu a 14,9 % španišćinu.