Louisiana
zwjazkowy stat Zjednoćenych statow Ameriki / From Wikipedia, the free encyclopedia
Louisiana ( [luˌ.iː.ziˈæ.nə]a a) je US-ameriski zwjazkowy stat, kotryž leži na juhu kraja, při wuliwje Mississippija do Mexiskeho golfa. Ma něhdźe pjeć milionow wobydlerjow na 134.000 km². Stolica je Baton Rouge z 230.000 wobydlerjemi, najwjetše město pak New Orleans (340.000 wob.) w Mississippijowej delće.
hesło: Union, Justice, and Confidence („Jednota, sprawnosć a dowěra“) | |
přimjeno: Bayou State | |
Zakładne daty | |
---|---|
stolica | Baton Rouge |
přestrjeń | 134.264 km² |
wobydlerstwo | 4.670.724 (1. jul 2015)[1] |
hustosć | 35 wob. na km² |
časowe pasmo | UTC–6 (CST) |
Politika | |
guwerner | John Bel Edwards (Dem.) |
přistup do unije | 30. apryla 1812 |
Přehladna karta zwjazkoweho stata | |
Stat mjezuje z Arkansasom na sewjeru, Mississippijom na wuchodźe a z Texasom na zapadźe. Na juhu nadeńdźe so pobrjóh Mexiskeho golfa. Dla swojeho geografiskeho połoženja je Louisiana husto potrjechena wot hurrikanow z Karibiki.
Louisiana přiwza so dnja 30. apryla 1812 jako 18. stat do unije a ma přimjeno „Bayou State“ (bayou = „bahno“). Do toho běše přez 18. lětstotk hač do lěta 1762 z koloniju Francoskeje. Po tym słušeše zapadny dźěl k Španiskej, wuchodny pak k Zjednoćenemu kralestwu. Wot 1803 je cyły dźensniši teritorij dźěl Zjednoćenych statow.
W lěće 2007 mějachu 86 % wobydlerstwa jendźelšćinu za maćeršćinu, 8 % francošćinu a 4 % španišćinu. Oficielnje nima Louisiana hamtsku rěč.
- Nutřkowne město stolicy Baton Rouge
- Při brjoze Mexiskeho golfa
- Kapitol zwjazkoweho stata
- New Orleans
- Dwurěčna jendźelsko-francoska powitanska tafla