Gambija
stat w zapadnej Africe / From Wikipedia, the free encyclopedia
Gambija (jendźelsce The Gambia) je mały njewotwisny, husće wobsydleny stat při rěce ze samsnym mjenom w zapadnej Africe. Mjezuje na wšěch bokach ze Senegalom. Stolica je město Banjul, kotrež so blisko wuliwa rěki Gambije do Atlantiskeho oceana na zapadźe kraja namaka. Najwjetše město je pak Serekunda na druhim boku rěki. Gambija je najmjeńši afriski stat a něhdźe 480 km dołha, ale maksimalnje 50 km šěroka.
13.5-15.5
Zakładne fakty
hesło Progress, Peace, Prosperity | |
zakładne daty: | |
swójske mjeno | Republic of The Gambia |
stolica | Banjul |
přestrjeń | 11.295 km² |
wobydlerstwo | 1.967.709 (2015)[1] |
hustosć | 174,2 wob./km² |
forma knježerstwa | prezidialna republika |
hłowa stata a šef knježerstwa | prezident Adama Barrow |
měna | Dalasi |
hamtska rěč | jendźelšćina |
hymna | For The Gambia Our Homeland |
časowe pasmo | UTC |
njewotwisnosć | 18. februara 1965 wot Zjednoćeneho kralestwa |
Top Level Domain | .gm |
telefon | +220 |
awtowa značka | WAG |
Połoženje Gambije w regionje | |
Začinić
W Gambiji knježi tropiska klima ze suchim počasom wot nowembra hač do meje a dešćowym počasom mjez junijom a oktobrom. Najwyše městno kraja leži jenož 56 m nad mórskej hładźinu.