William Butler Yeats
feelee as dramadeyr Yernagh (1865–1939) / From Wikipedia, the free encyclopedia
Va William Butler Yeats (focklit magh myr /ˈjeɪts/; 13 Mean Souree 1865 - 28 Jerrey Geuree 1939) ny vard as ny ghraameyder Yernagh, as nane jeh ny persoonyn toshee ayns lettyraght y 20oo eash. Nane jeh ny fir toshee jeh lught ooasle lettyraght Hostyn as Nerin, v'eh ny hannadeyr ayns Seanad Éireann er feie daa hraa. Va'n Abbey Theatre bunnit echey lesh y Ven Gregory as Edward Martyn, as v'eh n'er toshee er y thie cloie rish ny bleeantyn leah. 'Sy vlein 1923 va'n Aundyr Nobel ayns Lettyraght er ny briwnys da, as y Bing Nobel gra dy vel yn obbyr echey ny "vardaght ard-smooinaghtagh, quoi ayns form feer ellynagh, cur raa da spyrryd yn ashoon er feie". V'eh ny chied 'owder Yernagh jeh'n Aundyr Nobel ayns Lettyraght.[1] T'eh er credjal dy vel Yeats nane jeh ny beggan screeudeyryn beg lesh yn obbyr share echey creaghnit ny yei yn Aundyr Nobel;[2] ta The Tower (1928) as The Winding Stair and Other Poems (1929) y lhied assdaue.
William Butler Yeats | |
---|---|
| |
Ruggit |
13 Mean Souree 1865 Dumhach Thrá, Divlyn, Nerin |
Hooar baase |
28 Jerrey Geuree 1939 Menton, y Rank |
Boayl oanluckee | Droim Chliabh |
Seyraanaght | Steat Seyr Nerin |
Çhengey | Baarle |
Keird | feelee · screeudeyr cloie · screeudeyr · politickeyr · oallyssagh · rollageydagh |
Ynsagh |
National College of Art and Design (en) The High School, Dublin (en) |
Sheshey | Georgie Hyde-Lees (en) |
Leggad |
Maud Gonne (en) Olivia Shakespear (en) Margot Ruddock (en) |
Paitçhyn | |
Ayr | John Butler Yeats |
Moir | Susan Pollexfen |
Braaraghyn as shuyraghyn | |
Enmys | shannadeyr Nerin |
Olteynys boayrd |
Hermetic Order of the Golden Dawn (en) Royal Society of Literature (en) |
Aundyryn |
slane rolley
|
Kianglaghyn fysseree as sheshoil | |
IMDb | nm0947102 |
Discogs ID | 514613 |
Va Yeats ruggit as ynsaghit ayns Divlyn, agh cheau eh y lambaanid echey ayns Shliggagh. Ren eh studeyrys er y vardaght 'syn aegid echey, as veih eash aeg va sym echey ayns shenn-skeealyn Yernagh as 'syn 'yssaght. Ta ny cooishyn shoh ry-gheddyn ayns kied keim yn obbyr echey, as ad ry-akin derrey cassey y cheead. Va ym-lioar ronniaght s'leah echey soilshit magh 'sy vlein 1889, as va ny daanyn cronnaneagh as ad shooyl rea lhieu taishbyney lhiastanys da Edmund Spenser as Percy Bysshe Shelley, as da lyreaght ny bardyn roie-Raphaelagh.
Veih'n vlein 1900 haink er feeleeaght Yeats dy ve ny smoo corpagh as rieughagh. Va credjue tarcheimneeoil yn aegid echey shaghnit echey, agh hannee er dy ve boirit lesh maskyn corpagh as rieughagh, as lesh sheiltynysyn çhymshallagh y theihill. Harrish ny bleeantyn, va mie dy liooar shassooghyn eie-oaylleeaghtagh echey, lhied as, ayns focklyn y chremeyder Michael Valdez Moses, "ashoonaghys fraueoilagh, libraalagh classicagh, cumaadagh aawoalltaagh as neunheeyseyr milley-vleeanagh".[3]