Thie Kiaulldramey Sydney
From Wikipedia, the free encyclopedia
She ynnyd yl-laaragh da ny h-ellynyn cloie ayns Sydney, yn Austrail, eh Thie Kiaulldramey Sydney (Baarle: Sydney Opera House). T'eh soit er coose toshee Chamys Sydney as t'eh coontit er lheh mastey ny troggalyssyn smoo ard-ghooagh as myr ard-obbyr jeh ard-obbrinys y 20oo eash.[1][2]
Er ny chiaddey liorish yn ard-obbree Danvargagh Jørn Utzon, as er ny hroggal liorish fwirran ard-obbrinagh Austrailagh fo stiurey Peter Hall, va'n troggalys foshlit dy formoil liorish y Venrein Ealisaid II er 20 Jerrey Fouyir 1973[3] lurg ymmyrkey goaill toshiaght rish reihys Utzon ayns 1957 myr cosneyder cohirrey kiaddee eddyr-ashoonagh. Hug Reiltys Vretyn Yiass Noa, fo'n toshiagh Joseph Cahill, kied da toshiaght y troggal ayns 1958 as Utzon stiurey yn troggal. Va reihys y reiltys dy hroggal kiaddey Utzon ceaut fo scaa yn chostys as y skedjalley chammah as yn irree ass ren Utzon.[4]