Robin Williams
aghteyr as fer aitt Americaanagh (1951–2014) / From Wikipedia, the free encyclopedia
She aghteyr as fer aitt Americaanagh va Robin McLaurin Williams (21 Jerrey Souree 1951–11 Luanistyn 2014). Va enney mooar er son e schleiyn cummeydeyragh[1][2] as ny karacteyryn eigsoylagh ren eh croo er y chooyl as cloie ayns scannaneyn, ayns dramaghyn as ayns aittyssyn.[3][4] T'eh coontit mastey ny fir aitt share v'er mayrn rieau.[5][6][7]
- She yn aghteyr Americaanagh bun-chooish y duillag shoh. My vel anaase ayd ayns deiney elley fo'n ennym cheddin, lhaih Robin Williams (reddaghey).
Robin Williams | |
---|---|
Williams in 2011 | |
Ennym ruggyree | Robin McLaurin Williams |
Ruggit |
21 Jerrey Souree 1951 Chicago, Illinois, SUA |
Hooar baase |
11 Luanistyn 2014 (63 bleeaney d'eash) Paradise Cay, California, SUA |
Bun baaish | hene-varroo (croghey) |
Boayl oanluckee | San Francisco Bay (en) |
Ynnyd beaghee |
Sea Cliff (en) Bloomfield Hills (en) Chicago Paradise Cay (en) San Francisco |
Seyraanaght | Steatyn Unnaneysit America |
Çhengey | Baarle |
Keird | dooinney aitt shassooagh · aghteyr çhellveeish · aghteyr scannane · aghteyr · dooinney aitt · gienteyder scannane · scaa-screeudeyr · insheyder lioar eaishtagh · aghteyr ardan · aghteyr goo · arrisheyr |
Bleeantyn obbree | 1976–2014 |
Lipaidyn | Columbia Records |
Ynsagh |
Durham College (en) Redwood High School (en) College of Marin (en) : theater Detroit Country Day School (en) Claremont McKenna College (en) : oaylleeaght pholitickagh Scoill Juilliard (1973 - 1976) |
Sheshey |
Valerie Velardi (en) (Mean Souree 1978 - 1988) Marsha Garces (en) (Averil 30, 1989 - 2010) Susan Schneider (en) (Jerrey Fouyir 22, 2011 - Luanistyn 11, 2014) |
Paitçhyn | |
Ayr | Robert Williams |
Moir | Laura McLaurin |
Braaraghyn as shuyraghyn | |
Olteynys boayrd |
SAG-AFTRA (en) Screen Actors Guild (en) |
Credjue | Episcopal Church (en) |
Aundyryn |
slane rolley
|
Kianglaghyn fysseree as sheshoil | |
IMDb | nm0000245 |
Discogs ID | 236178 |
X | robinwilliams |
robinwilliams.com |
Hoshee Williams cloie aittys shassooagh ayns San Francisco as Los Angeles car ny 1970yn meanagh, as hooar eh enney mooar tra ren eh cloie yn fer neuhallooinagh Mork 'sy sitcom Mork & Mindy (1978–1982) liorish ABC.[8] Lurg e chied phaart toshee scannaneagh ayns Popeye (1980), ren eh cloie ayns ymmydee scannaneyn rahoil, goaill stiagh The World According to Garp (1982), Moscow on the Hudson (1984), Good Morning, Vietnam (1987), Dead Poets Society (1989), Awakenings (1990), The Fisher King (1991), Patch Adams (1998), One Hour Photo (2002), as World's Greatest Dad (2009). Chammah's shen, ren eh cloie ayns scannaneyn rahoil elley lheid as Hook (1991), Aladdin (1992), Mrs. Doubtfire (1993), Jumanji (1995), The Birdcage (1996), Good Will Hunting (1997), as 'sy tree-skeealag Night at the Museum (2006–2014). V'eh enmyssit son kiare Aundyryn Academy as ren eh cosney Aundyr Academy son yn Aghteyr Co-hassooagh Share son Good Will Hunting. Hooar eh daa Aundyr Primetime Emmy, shey Aundyryn Golden Globe Award, daa Aundyr y Screen Actors Guild, as queig Aundyryn Grammy myrgeddin.
Er 11 Luanistyn 2014, tra v'eh 63 bleeaney d'eash, hooar Williams baase liorish hene-varroo ec y thie echey ayns Paradise Cay, California.[9]