Mars Polar Lander
From Wikipedia, the free encyclopedia
Mars Polar Lander, enmyssit Mars Surveyor '98 Lander chammah, she saagh spoar robotagh tarlheimmey 290 kilogramyn er trimmid va launshit liorish NASA er 3 Jerrey Geuree 1999 dy yannoo studeyrys er ooir as emshyraght Planum Australe, ard faggys da ard y jiass er Mart. V'eh ny phaart jeh'n vishoon, Mars Surveyor '98. Er 3 Nollick 1999, ansherbee, erreish da v'eh jerkit dy vees y phaase harlheim cooilleeinit, dob y tarlheimmeyder aavunnaghey eddyrinsh lesh y Dowan. Ren yn oltscarrey lurg y drogh-haghyrt feddyn magh dy nee jerrey lhuanagh yn jeshaght dy lostey roish ren y tarlheimmeyder roshtyn y thalloo cooish lesh y drogh-haghyrt, as kyndagh rish shen woaill eh yn planaid er ard-vieauid.[1]
Chossyn y Mars Polar Lander mysh US$165 millioonyn. Chossyn lhiasaghey yn taagh spoar er US$110 millioonyn, y launshey er US$45 millioonyn, as obbreeaghtyn mishoon er US$10 millioonyn.[2]