Laa yn Vlein Noa
y chied laa jeh'n vlein 'syn eaillere Gregoiragh / From Wikipedia, the free encyclopedia
'Syn eaillere Gregoiragh, she Laa yn Vlein Noa, Laa Nollick Beg,[1] ny Laa ny Bleeaney Noa y chied laa jeh'n vlein; 1 Jerrey Geuree. Choud's ta'n chooid smoo jeh ny feailleraghyn greiney (myr ny feailleraghyn Gregoiragh as Yool) goaill toshiaght rish y vlein ec ny faggys da shass greiney twoaie yn gheuree, ta cultooryn ta goaill tastey jeh feailleraghyn eayst-ghreiney ny eayst kelloorey nyn Laa Vlein Noa yn Eayst ec poyntyn 'sy vlein nagh vel shickyrit ayns cosoylaght rish y vlein ghreiney.
'Sy Raue roie-Chreestee fo feaillere Yool, va'n laa casherickit ayns onnor Janus, jee ny grinnaghyn as ny toshiaghtyn. Voish yn eash Raueagh derrey'n lieh-chooid jeh'n 18oo eash, va'n vlein noa kelloorit ec keimyn eigsoylagh as ayns ayrnyn eigsoylagh jeh'n Oarpey Chreestee er 25 Nollick, er 1 Mayrnt, er 25 Mayrnt as er feailley arraghey yn Chaisht.[2][3][4]
'Sy laa t'ain jiu, ta'n chooid smoo jeh çheeraghyn y theihll gymmydey yn feaillere Gregoiragh myr nyn veaillere shivoil. Rere y feaillere shen, ta'n chied laa jeh Mee Yerrey Geuree coontit mastey ny feaillaghyn smoo kelloorit 'sy theihll, as s'mennick t'eh goll er kelloorey liorish taishbynyssyn çhentagyn tra ta'n chlag bwoalley yn veanoie lurg Oie yn Vlein Noa as y vlein noa goaill toshiaght ayns dagh cryss traa. Mastey tradishoonyn elley Laa yn Vlein Noa, ta shin coontey reaghyssyn y Vlein Noa as geam er caarjyn ny deiney mooinjeragh.[5]