J. D. Salinger
ughtar Americaanagh (1919–2010) / From Wikipedia, the free encyclopedia
She ughtar Americaanagh va Jerome David Salinger (1 Jerrey Geuree 1919 – 27 Jerrey Geuree 2010). Ta enney share er kyndagh rish e noaskeeal The Catcher in the Rye voish y vlein 1951. Hoilshee Salinger shiartanse dy ghiare-skeealyn 'syn earishlioar Story ayns 1940, roish my ren eh shirveish car y Nah Chaggey Dowanagh. Ayns 1948, haink e skeeal moyllit "A Perfect Day for Bananafish" magh ayns The New Yorker, hoilshee y chooid smoo jeh'n obbyr yeianagh echey.[1][2]
J. D. Salinger | |
---|---|
Salinger ayns 1950 | |
Ennym ruggyree | Jerome David Salinger |
Ruggit |
1 Jerrey Geuree 1919(1919-01-01) Caayr York Noa, ny Steatyn Unnaneysit |
Hooar baase |
27 Jerrey Geuree 2010 (91 bleeaney d'eash) Cornish, New Hampshire, ny Steatyn Unnaneysit |
Ynnyd beaghee | 1133 Park Avenue (en) |
Seyraanaght | Steatyn Unnaneysit America |
Çhengey | Baarle |
Keird | screeudeyr · noaskeealagh |
Ynsagh |
Ollooscoill Columbia McBurney School (en) Valley Forge Military Academy and College (en) Columbia University School of General Studies (en) PS 6 (en) |
Sheshey | Claire Douglas (en) (1955 - 1967) |
Paitçhyn | |
Mie er enney son |
|
Credjue | Zen as Ewaghys |
Coorse caggee | |
Shirveish/crouw | Armee ny Steatyn Unnaneysit |
Faghtyssyn caggee | y Nah Chaggey Dowanagh |
Kianglaghyn fysseree as sheshoil | |
IMDb | nm0758409 |
Haink rah mooar lesh The Catcher in the Rye (1951); va'n cur sheese ren Salinger er y çharbaa as coayl y vacainid feer chummaghtagh mastey lhaihderyn aegidagh er lheh.[3] Va'n noaskeeal lhaiht dy lheeadagh as s'mooar yn arganeys v'ayn bentyn rish. Hug e rah rish arrey as ronsaght mastey yn phobple. Haink Salinger dy ve ny adaneagh, soilshaghey obbraghyn ny sloo as ny sloo. Lurg Catcher hoilshee eh magh çhaglym dy ghiare-skeealyn, Nine Stories (1953); ym-lioar goaill stiagh novella as giare-skeeal, Franny and Zooey (1961); as ym-lioar goaill stiagh daa novella, Raise High the Roof Beam, Carpenters and Seymour: An Introduction (1963). Haink yn obbyr hoilshit jerrinagh lesh Salinger, y novella Hapworth 16, 1924, magh ayns The New Yorker er 19 Mean Souree 1965.
Ny s'anmee, ren Salinger strepey rish yn arrey neuenit, goaill stiagh cah leighoil ayns ny 1980yn noi'n veashnyseyr Ian Hamilton as skeaylley cooinaghtyn ayns ny 1990yn er ny screeu liorish daa ghooinney feer vooinjeragh da: e shenn lhiannan Joyce Maynard as e inneen Margaret Salinger.