Tembiguái reko
From Wikipedia, the free encyclopedia
Tembiguái reko niko tapichakuéra oiko ambue tapicha imba'éva ramo. Umíva ojehero tambiguái ha omba'apo va'erã oñeme'ẽ'ỹre pirapire, nomba'aposéi ramo pe ijára ikatu onupã térã ombyepoti chupekuéra. Jaikuaa oĩ tembiguái reko Ára Ymaguare guive, oiko rire ñorairõ pe tetã ipu'akáva ogueru ijyvy apekuépe umi pytagua monambipyre omba'apo hag̃ua, oĩ avei umíva ndaikatúi ohepyme'ẽ pe opaga va'erã, upéicha oiko chuguikuéra tembiguái. [1]
Umi Europagua oguahẽ rire Amérikape, omomba'apose umi ypykuépe, ombova avei tapichakuéra Áfrika pegua ha omomba'apo kokuépe. Paraguáipe oiko tembiguái reko ary 1556 guive,[2] oisãmbyhývo Hernando Arias de Saavedra,[3] hákatu sa'imi oñembova ko tetãme, umi Epañagua ogueru tapichakuéra Gynéa, Nihéria ha Kóngo pegua.
Saro'y XX pukukue, haimete opa tetã yvy ape ári ojapo hekorã ani hag̃ua oiko tembiguái reko. Yvypóra Tekoiterape Kuaaukaha Pavẽ he'i naiporãiha ha ombotoveite pe tembiguái reko.[4] Hákatu oĩ gueteri oporomomba'apohápe mbaretépe térã nohepyme'ẽ porãi umi mba'apohárape.[5]