Leonhard Euler
papapykuaahára Suisagua / From Wikipedia, the free encyclopedia
Leonhard Paul Euler (Basilea, Suísa; 15 jasyrundy 1707-San Petersburgo, Rrúsia Mburuvi; 18 jasyporundy 1783), ojeheróva avei Leonhard Euler ha Leonardo Euler,[1] ha'e akue peteĩ oñemoarandúva papapykuaáre ha mba'erekokuaáre Suísa pegua. Kóva niko pe papapykuaahára tuichavéva saro'y XVIII pegua ha oĩ umi hembiapo hetaitéva ha herakuãvéva apytépe, ojeikuaa chupe oparupi ojapógui pe Euler papaha (e), papaha ojeipuruitéva jeipapápe mba'erekokuaápe.
Leonhard Euler | ||
---|---|---|
Mba'érepa omano | hemorragia cerebral | |
Hóga renda | Purúsia, Rrúsia | |
Hetã | Suísa, Rrúsia | |
Alma máter | Universidad de Basilea | |
Hembiapo | papapykuaahára, tekoharekokuaahára, mbo'ehaorusu mbo'ehára, haihára, teórico de la música, mbyjakuaahára, tembikuaatyhára, moheñoiha, ejecutivo y geógrafo | |
Empleador | Academia de Ciencias de San Petersburgo, Academia Prusiana de las Ciencias, Academic University at the St. Petersburg Academy of Sciences | |
Jokuaikuaa rape | protestantismo | |
Omendáva |
Katharina Gsell (1734-1773) Salome Abigail Gsell (1776-1783) | |
Taýra | Johann Euler, Christoph Euler, Carl Euler | |
Itúva ha isy |
Marguerite Brucker Paul Euler | |
Jopói | Miembro de la Academia Estadounidense de las Artes y las Ciencias y miembro de la Royal Society | |
Firma | ||
[editar datos en Wikidata] |
Oiko San Petersburgo-pe (Rrúsia), ha Berlin-me (Purúsia) hekove pukukue ha heta mba'e pyahu ojuhu jeipapahápe ha papapy rekópe. Ha'e niko ojapo umi ñe'ẽngue ko'ágã jaipuru papapykuaáre.[2] Upéicha avei herakuãitéva hembiapokue hetávagui mekánika rembikuaápe, tesapekuaápe ha mbyjakuaápe.
Euler oĩ umi papapykuaahára hembiapo hetaitéva apytépe, oñeimo'ã ñamoĩmbaha hembiapokue kuatiápe jaguerekóta amo 60 térã 80 aranduka poguasu.[3] Peteĩ ñe'ẽnga oje'éva he'iha Pierre Simon Laplace ohechaukáva mba'éichapa Euler ipokatu umi papapykuaahárape oúva hapykuéri: «Pemoñe'ẽke Euler rembiapo, Pemoñe'ẽke Euler rembiapo, ha'e niko ñane mbo'ehára guasu».[4]