Kiev
Ukyáña tavusu ha távaguasuveva / From Wikipedia, the free encyclopedia
Kiev terã Kyiv[1](Ukyañañe'ẽme: Ки́їв térã Київ; Oje'e: Kýїv)[2][3], kóva ha'e Ukyáña tavusu ha pe itáva guasuvéva oguerekóvo 2 954 300 ava (ary 2021-pe),[4] kóva ha'e peteĩ táva ojehayhuetereíva Ukyáñame rembiasakue ha iñarandypýpe, kóva ha'e pe táva oguerekóva peteĩ tekombo'e ha avei viru reko iporãvéva ko tetãme.
Kiev Ки́їв, Kýїv | ||||
---|---|---|---|---|
Ukyáña tavusu | ||||
| ||||
Héra ambue: Rrús távakuéra sy | ||||
Ñe'ẽ akã: Київ, місце, де все починається Kyjiv, misce, de vse počynajetjsja "Kiev, pe táva oñepyrũhápe opaite" | ||||
Ojejuhuhápe Kiev | ||||
Ñe'ẽ tee | Ukyañañe'ẽ | |||
Tetãkue | Ukyáña tavusu | |||
Hembiasakue | ||||
• Fundación | Jejapo | |||
• Ñemoñepyrũ | 482 d. C. | |||
Apekue | ||||
• Opa | 847,66 km² | |||
Altitud | ||||
• Media | 179 msnm | |||
Ava hetakue (2021) | Puesto 1°.º | |||
• Total | 2 954 300 hab. | |||
• Ava hetakue yvy rendáre | 3 531 hab/km² | |||
Yvy arapehẽ | UTC+02:00, UTC+03:00 | |||
Código postal | 01000–06999 | |||
Prefijo telefónico | 44 | |||
[editar datos en Wikidata] |
Ko táva ikatu ojejapo amo sa'ary V jave, ojejapóvo peteĩ tekove oikoha ramo pe tape ñemurã Ekándinavia Konstántinopla ndive, ko kuaapy oñemoañeteva’ekue pe peteĩha mandu'apy oñe'ẽva hese, ary 482-pe. Kiev upévo guare ha'e akue peteĩ tetã isãsomíva ha'éva umi Jásaros mba'e, umi vikingokuéra oñemomba'e peve ko táva pe sa'ary IX mbytépe. Ko táva oime jave umi Vikingo poguýpe, kóva oiko pe Rrus Kiev-gua tavusu, pe peteĩha tetã eslavo kuarahyreike pegua. Ko táva oñembyai vaieterei umi Molgolekuéra oyndyry rire hese ary 1240 jave, kóva oiko rire ko táva hetaiterei tetãnguéra ojeipuru sapy'aite chupe tavusúicha, ha'eháicha: Rrutéña Tavetã, Lituáña Dukádo Guasu, Mokõi Tetã Tavakuairetã, Hetmanato Kosáko, Sárato Rrúso ha Rrúsia Mburuvi.
Ko távape oguehẽ pe mba'aporeko ñepu'ã sa'ary XIX Rrúsia Mburuvi hyepype, kóva jave ko táva oñepyrũ imbareteve, oiko peve peteĩ umi tavaguasuvéva mburuvípe. Ary 1917-pe Ukyáña Tetarã Retã oikuaauka rire isãsoha oiko rire pe Ukyáña Sãso Ñorairõ, Kiev oiko kóva tavusu ramo. Ukyáña Tetarã Retã ndaipu'akái rire Ukyáña Sãso Ñorairõme, umi volchevíke guarini'aty oñemomba'e ko táva, ko'ãva ome'ẽ ko táva Ukyáña Tavakuairetã Socialista Soviétiko-pe ary 1922 jave, Joaty Soviétiko ryepype. Ary 1934-pe, Kiev oiko Ukyáña Tavakuairetã Socialista Soviétiko tavusu pyahu oñemoambuévo táva Járkov-pe. Kiev oñembyai vaieterei oiko haguere Ñorairõ Guasu Mokõiha, jepémo, pya'eterei oñemyatyrõ pe ñorairõ opa rire, umi tetãrayhukuéra ojapova Lósif Stalin, oñemoambue pe adquitectura itujava ha ojejapo ipyahuva, ojejapo haicha umi távakuérape joatype. Ho'a rire Joaty Soviétiko ha Ukyáña ombohyãkua rire isãso kóvagui, Kiev oiko kóva tavusu 24 jasyporundy ary 1991 guive.