Tempo xeolóxico
sistema de datado baseado nas estruturas xeolóxicas / From Wikipedia, the free encyclopedia
A escala de tempo xeolóxico representa a liña de tempo desde a formación da Terra até o presente, dividida en eóns, eras, períodos, épocas e idades, que se basean nos principais acontecementos xeolóxicos da historia do planeta. Aínda que debería servir de marco cronolóxico absoluto para a Xeoloxía e en particular para a Xeoloxía histórica, non hai acordo entre os científicos sobre os nomes e límites das súas divisións. A versión que aquí se presenta está baseada na edición de 2004 da Táboa Estratigráfica Internacional da Comisión Internacional de Estratigrafía [1] da Unión Internacional de Ciencias Xeolóxicas.[2]