Sirius
nome propio da estrela Alfa Canis Maioris / From Wikipedia, the free encyclopedia
Sirio, ou Sirius na súa denominación latina, é o nome propio da estrela Alpha Canis Maioris (α CMa, tamén Alpha Canis Majoris), a máis rutilante de todo o ceo nocturno da Terra, situada na constelación do hemisferio celeste sur Canis Maior. Esta estrela tan notable, que é realmente unha estrela binaria, é ben coñecida desde a antigüidade; por exemplo, no antigo Exipto, a saída helíaca de Sirio marcaba a época das inundacións do Nilo,[16] e estivo presente en civilizacións tan dispares como a grega e a polinesia. En ocasións, e coloquialmente, Sirio é chamada «Estrela Can» a raíz da constelación á que pertence.
Sirio A[1] / B[2] | |
Data de observación Época X2000.0 Equinoccio X2000.0 | |
---|---|
Constelación | Canis Maior (CMa) |
Ascensión recta | 06h 45m 08,9173s[1][3] |
Declinación | −16° 42′ 58,017″[1] |
Magnitude aparente (V) | −1,46 (A)[1] / 8,30 (B)[4] |
Características | |
Tipo espectral | A1V (A)[1] / DA2 (B)[4] |
Índice de cor U−B | −0,05 (A)[5] / −1,04 (B)[4] |
Índice de cor B−V | 0,01 (A)[1] / −0,03 (B)[4] |
Astrometría | |
Velocidade radial (Rv) | −7,6[1] km/s |
Movemento propio (μ) | RA: −546,05[1][3] mas/ano Dec.: −1223,14[1][3] mas/ano |
Paralaxe (π) | 379,21 ± 1,58[1][1][6] erro_par= 1,58mas |
Distancia | 8,6 ± 0,04 al (2,64 ± 0,01 pc) |
Magnitude absoluta (MV) | 1,42 (A)[7] / 11,18 (B)[4] |
Órbita[8] | |
Compañeira | α CMa B |
Período (P) | 50,090 ± 0,055 ano |
Semieixo maior (a) | 7,50 ± 0,04" |
Excentricidade (e) | 0,5923 ± 0,0019 |
Inclinación (i) | 136,53 ± 0,43° |
Lonxitude do nodo (Ω) | 44,57 ± 0,44° |
Época do periastro (T) | 1.894,130 ± 0,015 |
Argumento do periastro (ω) (primario) | 147,27 ± 0,54° |
Detalles | |
α CMa A | |
Masa | 2,02[9] (A) / 0,978[9] (B) M☉ |
Raio | 1,711[9] (A) / 0,0084 ± 3%[10] (B) R☉ |
Gravidade superficial (log g) | 4,33[11] (A)/8,57[10] (B) |
Luminosidade | 25,4[9] (A) / 0,026[7] (B) L☉ |
Temperatura | 9.940[11] (A) / 25 200[9] (B) K |
Metalicidade | [Fe/H] =0,50[12] (A) |
Rotación | 16 km/s[13] (A) |
Idade | Entre 2·108 e 3·108[9] a |
α CMa B | |
Masa | 0,978[9] M☉ |
Raio | 0,0084 ± 3%[10] R☉ |
Gravidade superficial (log g) | 8,57[10] |
Luminosidade | 0,026[14] L☉ |
Temperatura | 25.200[9] K |
Outras denominacións | |
A compoñente primaria das dúas estrelas que conforman o sistema, Sirio A, é unha estrela branca da secuencia principal de tipo espectral A1V que ten unha temperatura superficial de 10 000 K e que está a uns 8,6 anos luz do Sistema Solar, sendo a quinta estrela máis próxima do Sol. A súa magnitude aparente na banda B (azul) é -1,46, e na banda V é -1,47.[1] Friedrich Bessel, en 1844, deduciu a presenza dunha compañeira, un obxecto celeste moi tenue agora chamado Sirio B ou «o Cachorro», que foi observado casualmente por primeira vez en 1862 polo construtor de obxectivos astronómicos Alvan Graham Clark. Foi unha das primeiras ananas brancas en ser descubertas, a súa magnitude na banda V é 8,44, o seu tipo espectral é DA2 e a súa temperatura superficial é duns 25 200 K.[9]
Debido a certas irregularidades na órbita do sistema Sirio formado por ambas estrelas, detectouse a posibilidade da presenza dunha terceira estrela, Sirio C, unha presunta anana vermella cun quinto da masa do Sol e tipo espectral M5-9, nunha órbita elíptica de seis anos arredor de Sirio A.[17]