Oviraptor
From Wikipedia, the free encyclopedia
Oviraptor (do latín "ladrón de ovos") é un xénero representado por unha única especie de dinosauro terópodo ovirraptórido, descuberto polo técnico George Olsen nunha expedición de 1923 liderada por Roy Chapman Andrews, sendo descrito por vez primeira por Henry Fairfield Osborn en 1924. O seu nome provén do latín e quere dicir "ladrón de ovos", xa que o primeiro fósil descuberto foi atopado enriba dun niño do que se cría que eran ovos de Protoceratops. O nome específico philoceratops quere dicir "amante de ceratopsianos", e foille concedido tamén como resultado da súa descuberta. Nun escrito de 1924, Osborn explicou que o nome debíase á proximidade da caveira de Oviraptor respecto do niño (estaba separado dos ovos por só catro centímetros de area). Porén, Osborn tamén suxeriu que o nome Oviraptor "pode confundirnos completamente en canto ós seus hábitos alimenticios e ó seu carácter".[1] Na década de 1990, a descuberta de oviraptóridos añiñadores como o Citipati provou que Osborn estaba no certo coa súa cautela respecto do nome. Estes achados amosan que os ovos en cuestión probablemente pertencían ó propio "Oviraptor" e que o espécime en realidade estaba criando os seus ovos cando morreu a carón do niño.
Oviraptor Rango fósil: Cretáceo superior 89,8 Ma-70,6 Ma | |||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|
Diagrama esquelético que amosa elementos coñecidos do exemplar holotipo (AMNH 6517). | |||||||||||||||||||||
Clasificación científica | |||||||||||||||||||||
| |||||||||||||||||||||
Nome binomial | |||||||||||||||||||||
Oviraptor philoceratops Osborn, 1924 |
O Oviraptor viviu a finais do período Cretáceo, durante o Campaniano, hai uns 75 millóns de anos; só se coñece un único espécime definitivo (cos seus ovos asociados), descuberto na formación de Djadokhta en Mongolia, aínda que existe un posible segundo espécime (tamén con ovos) atopado na formación de Bayan Mandahu, no nordeste de Mongolia Interior, na China.[2]