Monera
From Wikipedia, the free encyclopedia
Monera[1] é un reino da clasificación dos seres vivos utilizada nalgúns sistemas de clasificación, como o de Lynn Margulis, no que se agrupan todos os organismos procariotas,[2] que aínda se usa en moitos manuais e libros de texto, aínda que non nos sistemas de clasificación máis modernos. O significado actual do termo é equivalente a procariota e defínese como o reino dos organismos microscópicos que habitan todos os ambientes e que están formados por unha soa célula sen núcleo definido (célula procariota).
- Este artigo trata sobre o antigo taxon Monera. Para as características dos procariotas ver célula procariota.
![Thumb image](http://upload.wikimedia.org/wikipedia/commons/thumb/d/d8/Phylogenetic_tree_of_life.png/640px-Phylogenetic_tree_of_life.png)
Porén, moitos especialistas consideran actualmente que esta denominación é obsoleta, porque se considera que en realidade se trata de dous grupos diferentes: arqueas e bacterias (este último inclúe as chamadas algas verdeazulada ou cianobacterias).